THIL TE BER PAWHIN PAWIMAWHNA A NEI

 Hmuh Theih Loh Indona

Rick Warren

Feb 25, 2024

"Tupawh tlemte chunga rinawm chu tam tak chungah pawh a rinawm thin; tupawh tlemte chunga rinawm lo chu tam tak chungah pawh a rinawm lo thin a ni.” Luka 16:10

Pathianin i rinawmna fiahnan thil te takte a hmang thin. Khawvel chuan thil lian tham en nghal turin a ti che a - nimahsela thil lian leh ropui ringawt hi Pathianin a thlir ber lo. Bible chuan kan rinawm phawt chuan Pathianin kan engkim a te ber thlengin a thlir zawk a ni a ti. 

Hei hi kawng engkimah a dik a, hruaitu nihnaah pawh hian a ni. Keini chuan thil lian tham kan tih hian hruaitu ah kan inhllang kai thei turah kan inngai a. A ni lo! Kan nuna kan thiltih engkim atang hian hruaitu kan nihna chu a lo insiam a. Hruaitu chu thil lian tham kan tih avanga kan chan a ni lo va, harsatna lian tham a lo thlenin hruaitu nihna chu a lang chhuak chauh zawk a ni. Rinawm tak tak chu khawiah nge a lan - tumah min hmuh lovah te, bang phenah te, thil te thamah te, hmuh phaklohah te, miin an thiltih chakloh thil dik i tihna lamah te, mi mit hmuh lo vah pawh thil dik i tih tlatnaah te hian a ni.

Rinawmna chuan dikna a phut tlat a ni, Pathianin thil te takte ah i rinawmna a fiah thin.

Isuan, "Tupawh tlemte chunga rinawm chu tam tak chungah pawh a rinawm thin; tupawh tlemte chunga rinawm lo chu tam tak chungah pawh a rinawm lo thin a ni,” a ti Luka 16:10. Vantlang hmuh theih a malsawmna chu a ruka i rinawm avang hi a ni a ti. 

Politician ten buaina an tawh reng reng in, anmahni tantute ka atangin hetiang hian i hre thin ang, “An mimal nun hi chuan pawimawhna a nei lo.” Chutiang tawngkam chu i hre thin em? “An mimal nun hi chuan pawimawhna a nei lo. Hruaitu an nihna ah hian engmah kawngru a su lo,” an ti thin.

Hruaitu an nihna anga an thiltih apiang chu a pawimawh tlat! Engvangin? Miin a nupui chunga dawt a sawi chuan, a bialte chungah pawh a sawi tihna a ni. Nu pakhatin a thian tha ber hnenah, “Thihna chauh lo chuan min then suh se” tih hi a bawhchhiat chuan, amah vote thei tu hnenah pawh dawt a sawi ngei ang le. Ngaituah rawh!

Hruatu thenkhatten vantlang hmuh theiha malsawmna an dawnte hi mi tumah hmuh phak lova an thiltih atangin a ni thin. Vantlang hmuh theiha malsawmna i dawnte pawh hi a ruka i hnathawh avang a ni thin. Pathian chuan kan rinawmna fiahnan thil te tak te a hmang a. Thil te takte chungah i rinawm chuan Pathian a theihna kawng kawngah malsawmnain a vur ang che.   

Ngaihtuah zui atan

 

* Pathianin eng thil te tak te chungah nge enkawl tur leh rinawm turin a tih che?

* Engtin nge “thil lian” leh “thil te” chu i thliar fel? Pathianin engtiangin nge thliar fel turin a duh che?   

* Engtin nge mi hriat loha Pathian rawngbawl chu i ngaih? Engtiang chiahin nge phurna a pek che?

[Lettu: Sangpuia]