Sumdawng pawl-in sumdawnna kawnga Mizote himna turin Aizawl Mayor leh Executive Corporator hmu

Aizawl | Feb 2, 2024: Hma an lo lak fo tawh thin angin Mizoram Merchant Association (MIMA), Gen. Hqrs. hruaitute chuan nimin khan pu Lalrinenga Sailo, AMC Mayor leh Executive Corporator pi B Lalawmpuii hmuin, Mizo hnam sumdawnna kawnga kan hima, chimrala kan awm loh nan rawtnate ziaka thlenin an sawipui a. Hei hi AMC dintirh atanga MIMA Stand a la nih reng thute an sawipui.

Tun tum AMC a Shops Registration an tihah hnamdang vai kan tih ang chiah AMC an thawk tha thaw khat hle chu, MIMA pawh an lawm hle rualin, Josepha hre lo Lal dang lo lal ta se, AMC Licensing Regulations hi mizo tan a him tawk loin MIMA in a hria a. Chuvangin, Voters ID/Epic no. Of Mizoram, Permanent Residential Certificate of Mizoram, NOC building/ram neitu hnen atangin, 2years Validity ILP te hi Licensing Regulations ah hian, hnamdangin sumdawnna tur registration an dilah documents phutah hian telh leh nise tih an thlen.

He an thil thlen leh rawtna an neih chu Mayor leh Executive Corporator te chuan an lo ngai pawimawh in,MIMA hruaitute an lo dawng sawng tha hle a, la sawiho turin AMC lamin chhawpchhuah tur thu an lo ruahman dawn thute Mayor chuan MIMA hruaitute hrilhin, Mayor leh Executive Corporator chungah MIMA hruaitute an lawm hle.