LDSA-in LADC CEM bang turin phut

Aizawl | Feb 2, 2024: Lawngtlai District Students' Association chuan vawiin khan thuchhuah siamin, Lai Autonomous District Council (LADC) CEM V Zirsanga chu a nihna aṭanga bang turin an phut.

LDSA chuan, "Lai Autonomous District Council a Chief Executive Member nilai Pu.V Zirsanga chu, Special Court in eiruk leh zirtirtu diklo taka lakna thubuai ah thiamloh a chantir tak avangin, keini Lawngtlai District Students' Association to chuan Pu.V.Zirsanga hi Lai Autonomous District Council hotu lu ber nihna chelh tlak ah kan ngai tawh lova. He hna zahawm tak, mipui aiawha Lairam a hotu lu ber nihna dinhmun hi, amah pawhin chelh tlak a ni tawhlo tih inhria in banna thehlut sela kan duh a ni." an ti.

LDSA chuan, "Mipui pawisa eirukna mai bakah, kan ram future naupangte zirtirtu tur dawt hmanga la hrehlo Pu.V.Zirsanga hian, tuna kan Lairam dinhmun piah lamah Lawngtlai District pumpui ang pawhin kan hma hun a tichhia a ni tih hi lo in hria se la. A rang thei ang bera LADC a CEM anihna atanga banna thehlut turin kan phut a ni." tiin thuchhuh siamin an tarlang.

LDSA thuchhuah:

Lai Autonomous District Council a Chief Executive Member nilai Pu.V Zirsanga chu, Special Court in eiruk leh zirtirtu diklo taka lakna thubuai ah thiamloh a chantir tak avangin, keini Lawngtlai District Students' Association to chuan Pu.V.Zirsanga hi Lai Autonomous District Council hotu lu ber nihna chelh tlak ah kan ngai tawh lova. He hna zahawm tak, mipui aiawha Lairam a hotu lu ber nihna dinhmun hi, amah pawhin chelh tlak a ni tawhlo tih inhria in banna thehlut sela kan duh a ni. Mipui pawisa eirukna mai bakah, kan ram future naupangte zirtirtu tur dawt hmanga la hrehlo Pu.V.Zirsanga hian, tuna kan Lairam dinhmun piah lamah Lawngtlai District pumpui ang pawhin kan hma hun a tichhia a ni tih hi lo in hria se la. A rang thei ang bera LADC a CEM anihna atanga banna thehlut turin kan phut a ni.