Aizawl | Feb 2, 2024: ZPM Thalai chuan Congress party hotute'n ZPM-in BJP atanga tanpuina dawng anga sawia mipui rilru hruai kawi tuma aw an la chhuah reng chu pawi an ti a. Pu Lal Thanzara, Congress Party Senior Vice President-in ni 19, January, 2024-a Congress Party Political Session leh Congress MLA Pu C. Ngunlianchunga'n ni 30 January, 2024-ah Siaha Congress Bhavan-a an thusawiah ZPM-in BJP atanga tanpuina dawnga ngaih theih tura thu an sawi zel mai chu ZPM Thalai chuan sim tawh se an duh hle, tih vawiin khan thuchhuah siamin an tarlang.
"MLA inthlanpuiah he inbeihna hmanga ZPM min beihna kha mipuiah awmzia a nei lo a, vote an hmuh tam phah lo tihte hmuthiam turin kan chah," an ti a. "Congress Party inthlan a hnai a, a mimal ang pawhin theih tawp chhuah hunlai a ni tih kan hriatthiampui a, chutihrual chuan politics kalphung hlui-a dawt hmang inbeih bansana, thudik auchhuahpui tawh turin kan ngen a ni." ZPM Thalai chuan an ti bawk.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: