MIFCO Chairman tharin office luah lut

Aizawl, 1st February, 2024: Mizoram sawrkarin MIFCO (Mizoram Food & Allied Industries Corporation Ltd.) Chairman-a a ruat Pu Lalthazuala Royte chuan vawiin ningani khan Office thar luahin Office Pathian hnenah hlanna hun hman a ni.

MIFCO Chairman thar Pu Lalthazuala Royte chuan, " Mipui sawrkarah party bil a lang thei tawh lova, he ram mamawh intodelhna tur hi kan rilrua lian ber a ni. Food Processing leh Entrepreneurship lam hi ka tuipui thin a, hmanrua leh mamawh an neih loh thin avanga harsatna mi tam takin an tawk mek tih ka hria. Heng mite tan hian kan ding dawn a, hnathawktu leh lo neitute lo inring ula, in dinchhuahna turin theihtawp kan chhuah dawn a, kan tih tawh thin leh la tih ngai loh thil nen bul kan tan thar dawn a ni" a ti.

MIFCO Chairman thar Office luah leh hlanna inkhawm hi Pu Zosangzuala, General Manager chuan a kaihruai a, Rev.Chawnghmingliana chuan hunserh leh Office hlanna hun hi hmangin General Manager chuan kalphung thar mipui sawrkarah MIFCO-in hma thar lak tur tam tak an neih thute, hmachhawp an neihsa pawh tihhlawhtlin tur tam tak a awm thu leh chairman thar hnuaiah beiseina sang tak an neih thu a sawi.