MIFCO chairman-in Mizoram Food Processing Research & Training Centre tlawh

Aizawl | February 14, 2024: Vawiin khan MIFCO Chairman Pu Lalthazuala Rawite chuan Mizoram Food Processing Research & Training Centre, Phaibawk, Seling hmuna mi chu a tlawh a, Mizorama thlai leh thei chi hrang hrang sawngbawlna leh training-na hmunpui hi tangkai zawka hman a nih theih dan turte leh Mizoram sawrkar nen tha taka thawhho theih dan tur he hmun neitu Pu Joseph Lalngaihawma Ralte a sawipui.

MIFCO (Mizoram Food Processing Industries Corporation Ltd.) Chairman Pu Lalthazuala Rawite chuan Pu Joseph Lalngaihawma Ralte hnathawh leh inpekna, Entrepreneurship lama thahnem a ngaihna te fakawm a tih thu a sawi a, kuthnathawktute khaichhuahna tur bul, Mizoram sawrkarin Hand Holding Policy a kalpui nena inhne rem tak a nih thute, MIFCO tana thawhhlawk leh Mizoram hmasawnna tur tobul a nih thu a sawi a ni.

MFPRTC hmun hi thei leh thlai sawngbawlna, zirbingna leh training-na hmun niin thalai tam tak training chhuak an awm tawh a, MZU, RIPANS leh zirna in hrang hrangten an hmang tangkai hle a, Mizoram khaw hrang hranga kutthnathawktute tan a tangkai hle a ni.