"kan state zim teah hian rilru zau leh pui tak a leng a, khawvel ram dangte chung en bik lo a, ram dangte’n min chung en theih dan tur zawk hi i vei ang u" - MInister B Lalchhanzova

Aizawl | Feb 12, 2024:  Minister B Lalchhanzova chuan, "kan state zim teah hian rilru zau leh pui tak a leng a, khawvel ram dangte chung en bik lo a, ram dangte’n min chung en theih dan tur zawk hi i vei ang u", a ti.

Mizo Students’ Union: General Headquarters, Aizawl chuan MSU Rising Day vawi 23-na lawmna chu vawiin khan HYVE Aizawl City Hall-ah an nei. He hun hi Pu Laldinsanga, Vice President chuan a kaihruai a, Lalramhluna Fanai, General Secretary chuan pawl hma lakna hrang hrang report a pe a, Pu Samuel Zoramthanpuia, President chuan thusawina hun a nei bawk. He hunah hian Pu B. Lalchhanzova, Land Revenue & Settlement Minister chu khuallian a ni. Malsawmtluanga, ACCJSU President leh Chhanremliana, President Joint Hnampual-in thusawina hun an nei bawk a, hruaitu hlui te aṭangin thusawi ngaihthlak a ni bawk.


Khuallian Pu B. Lalchhanzova  chuan, kan state leh Mizo hnam himna ngaihthah chuang si loin, Think Big, Think International and Think Global ang zawnga rilru leh ngaihtuahna seng thiam turin ka fuih duh che u a, kan state zim teah hian rilru zau leh pui tak a leng a, khawvel ram dangte chung en bik lo a, ram dangte’n min chung en theih dan tur zawk hi i vei ang u a ti a, zirna hi engkim bul a ni tia ngaih dan siam hi a dik thui hle a, zirna ṭha chuan kawng engkimah kan nun phung leh hmasawnna tur te a hril vek a ni. Zirna hi a ṭhata a dik bawk chuan nun hi a nuam a, hmasawnna a khairual a, mi hniam ber te’n a pâr zû an tlân pha a,  khairual takin hmasawnna a kal ṭhin a ni a ti bawk. Swami Vivekananda chuan zirna ṭhain a tum ber chu mi tu pawh mahni kea dintir hi a ni a lo ti a. Hei hi a dik thui hle ang. Ni tin hmasawn zel tura beiin, mahni ṭheuh hi kan hlu a ni tiin inpawm ṭheuh ila, hnam rohlu ka ni tiin kan ṭhat theih dan ber turin ni tin hun i hmang ṭheuh ang u, tiin kal khawmte chu a chah bawk.


MSU President Pu Samuel Zoramthanpuia chuan MSU mei mit lova kum 23 a kal chhung hian Mizoram mai ni lo, ram pawn leh khawvel zau zawka Mizo Zirlaite khaw hawi theihna turin ke a pen tih sawiin Ministry of Corporate a registered nih angin zirna atan CSR tam zawk hai lut chungin, Embassy hrang hrang aṭangin zirlaite tana hamṭhatna awm theite hai chhuah mek zel a nih bawk thu a sawi. Pu Samuel Zorama chuan zirlaite chu Zirna aṭanga Ram leh Hnam humhalh tur leh, zirna kaltlanga Zoram hmasawnna tur kawng hrang hrang dap zel turin a chah.










• • • • • • 
Scan Here to Donate!

Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]


Post a Comment

He post chungchanga i ngaihdan lo sawi ve rawh:

Previous Post Next Post