Aizawl | Feb 12, 2024: MNF Gen. Hqrs chuan vawiin khan thuchhuah siamin, "Nimin ni 10.2.2024 khan Ministry of DONER chuan, PM- DevINE aṭangin Aizawl By Pass Road (Sairang - Muallungthu) siamna tur sum Vbc. 500/- chu Mizoram Sawrkar hnenah a rawn sanction fel ta hi MNF chuan lawmawm kan ti hle a. He kawng siamna tura mutmawh hnarmawha neitu Chief Minister Pu Zoramthanga inpekna leh hnathawh lo lang chhuak zel hi a lawmawm tak zet a ni." an ti.
Aizawl khawpui chhunga lirthei tawt lutuk tizualtu lian tak chu khawpui chhunga Bungraw lian tham phur lo tlan lut thinte a nih fo a vang leh, kan kawng te ti tlo lo tu a nih thu hriain kha tih laia kan Chief Minister chuan Aizawl khawpui helna tur kawng siam a ṭul thu Central Sawrkar hnenah a thlen nasa hle a. Sairang atanga Khawchhak lam leh chhim lam panna tur kawnglian siam dan a ruahman a. Chhim lam pan tur kawng hi Sihhmui - Sakawrtuichhun - Tanhril - Tlangnuam - Samtlang leh Lungleng inkarah kalin Muallungthu ramah Aizawl - Thenzawl kawng a pawh ang. He rawtna hi Central lam hotute pawhin pawmpuiin Union Fibance Minister pawhin Pu Zoramthanga hnenah tihhlawhtlin a nih tur thu a lo sawi tawh a, Union Budget-ah vbc 500 hi a lo dah tawh a ni. Mimal ram conmpensation-ah harsatna awm deuh avangin kum kal ta chhung khan sanction hmuh hman a ni ta lova. Tunah hian sanction hmuh a lo ni ta hi MNF chuan lawmawm a ti takzet a ni.
Khawchhak lam panna tur kawng pawh Sairang - Rangvamual ral lehlam - Bawngkawn Brigade field hmar lam atanga Leiverh kaw hnih (twin tunnel) awmin, Zemabawk - Selesih kawng, Muthi thlen hma kawn hnuai chhuah lamah a lo chhuak ang a; Chuta tang chuan Tuirial airfield hmar lama lui kanin Phaibawk bulah kawngpui fin tur a ni. Hemi atan pawh hian leiverh hna hi Tender chhuah fel a ni ta bawk a ni.
Kan Chief Minister kal ta, MNF President Pu Zoramthanga khan vei tak te a veiin, kawngpui tha leh ramro kan neih na turte, Traffic tawt lutuk tihziaawm te kha tihtakzetin hma a la a, hmalakna lian tham a nih avangin vawi lehkhata peih zung zung theih a ni lova, thil chhut chiang lo leh hrechiang lo mipui tam tak leh ramhruaitu thenkhat phei chuan nuihzat ah te an nei a nih kha. A hnathawh rah vawiinah a lo lang chho zel a. Ram tan rohlu tak a nih chhoh zelna turin tuna rorel mekte hian tha tak leh kuttling taka an chhunzawm ngei MNF chuan a beisei a. An hnathawh pawh a thlithlai reng dawn bawk a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: