Aizawl | Feb 12, 2024: Mizoram Consumer's Union (MCU) chuan vawiin khan thuchhuah siamin, Mizoram chhunga Maxi Cab, Two Wheeler taxi fare, LPG Home Deliver leh Rs 10 coin leh pawisa nawi aia thildang inkir chungchangah te mipui hnena thuchhah an siam a. Bituk aia sanga tlan lo turin lirtheia eizawngte ngen; cheng 10 thir hnawl lo turin mipui ngen.
.jpg)
MCU chuan, Mizoram hmun hrang hrangah Rs 10 coin dawng duhlo an awm fo thin niin sawi a ni a, hei hi thil serious tak a ni. Mitin te Rs 10 coin hnawl lo turin kan in ngen a, pawisa nawi aia thildang inpek pawh Consumer remtihna thlap lo chuan tumah inpe lui lo turin kan in ngen leh bawk a ni, an ti a.
MCU thuchhuah a ngai angin
1. Maxi Cab fare sang: Mizoram pumpuia hman tur Maxi Cab Fare STA in a bituk aia sanga Sumo fare la lo turin heti lama eizawngtute leh Consumer (mipuite) te kan inchah a ni. Kalkawng siam thar avangin hmun thenkhat phei chu nasa takin KM a tawi phah hle a ni.
STA Maxi Cab fare dan dinglai:
Rs 3/km/head for Metalled Road
Rs 3.50/km/head for Unmetalled Road
Maxi Cab fare tlangpui hriat Dan:
Kan zinna tur hlat lam (KM) leh a rate puntir mai tur a ni. Mipui te zah thiam a, dan hma a kalpui ngai kher lova STA Maxi Cab Fare te a dik thei ang bera kalpui turin MCU Hqrs. chuan kan ngen a. Kan zavaiin I tlangtlang ang u.
2. Two-Wheeler Taxi/Taxi rate sang uchuak a tlan hria te chuan thla la in Motor number chu hnenah thlen zel tur a ni e. Inhekna a nilo. Sual hi I vulh lian zel tawh lo ang u.
STA Two-Wheeler Taxi Rate dinglai:
Rs 25 for 1st KM
Rs 15 for every subsequent KM
Mizoram hi hmun nuam leh him ni turin nang leh kei hian mawh kan phur a ni.
3. LPG Home Delivery: Sorkar leh IOC ruahmanna hnuaiah LPG Home Delivery chu Aizawl City huam chhungah leh District Capital ah kalpui tur a nih laiin hmasawnna a chak tawk lo hlein kan hria a, tunlai khawvel changkang tawh takah Actual Home Delivery hi tha taka kalpui a nih zel theih nan heti lama mawhphurtute chak taka hma la turin kan ngen a, mipui I tangtlang ang u. Gas hi Miss Call pawhin book mai theih a ni a, deliver a nih loh chuan Consumer Commission (Consumer te Court) ah thlen theih a ni bawk.
4. Rs 10 coin leh pawisa nawi aia thildang inkir: Mizoram hmun hrang hrangah Rs 10 coin dawng duhlo an awm fo thin niin sawi a ni a, hei hi thil serious tak a ni. Mitin te Rs 10 coin hnawl lo turin kan in ngen a, pawisa nawi aia thildang enpek pawh Consumer remtihna thlap lo chuan tumah inpe lui lo turin kan in ngen leh bawk a ni.
5. Thil man MRP original belhnana MRP nilo siam chawp hi danin a phal lo a, thil serious tak a ni. Hetiang tih ching te chu Consumer Commission-ah thlen zel tur a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: