Aizawl | Feb 14, 2024: Central Sawrkarin tunhma atanga tih a tum sawrkar kalta MNF kaihhruai in a do tlat chu Sawrkar thar kan neih tak achinah na leh zualin Centralin hma a rawn la ta a. Myanmar nena kan inrinaa zalen taka khawsak theihna Free Movement Regime a siam pawh Manipur Chief Minister duhdan angin a rawn titawp nghal a. Ramri hung hna pawh thawh a tum nasa hle tih hriat a ni zui bawk. Kan Sawrkar neih mek hi Central-a BJP kaihhruai sawrkar hian a zuam hle ni ah MNF chuan a ngai a, a zuamna turin tun inthlanpui kan hmachawn lai khan puanhnuai thil an nei a nih ngei pawh a rinawm hle a ni. Heng thil FMR leh Ramri hung chungchanga kan Chief Minister ṭanna leh thusawi thin chu hi rinhlelhawm in a ngaihthat thlak lo kan tiin, Duap aw pu ah MNF chuan a ngai tlat a. India ram hotu luber venghimtu nia alo insawi tawh ṭhin chu tun hun hi huai taka a hman hun turah MNF chuan a ngai a ni.
.jpg)
Central Sawrkar hmalakna kal mek Free Movement Regime tihtawp a ni hi MNF chuan na takin a do zel dawn a, hemi avanga kan unau Myanmar lam leh Mizoram lama ramri depa cheng mekte harsatna an tawh mek hi a rang thei ang bera sukiang turin Mizoram Sawrkar a ngen nghal bawk a ni. Ramri hung tura hmalakna kal mek pawh tuna ramri hi barhluih ramri a ni tih pawma Central Sawrkar hnena titawp tura na taka hma la nghal turin Mizoram Sawrkar a ngen tel bawk a ni.
FMR leh Ramri hung chungchanga NGOCC hmalakna hi MNF chuan a thlawp tlat a, nghet taka ding a, kan ram leh hnam chhan nana chak taka hma la chhunzawm zel turin MNF chuan a beiseiin, duhsakna a hlan bawk a ni.
A hunlaia thil thleng, khawchhak lama kan unau thenkhatte khawsak phung avangin ram mipuiten khawchhak lam atanga lo chhukte ninna nasa tak a awm avangin Ramri hung ṭul tihna hi alo awm tawh ṭhin a. Tlawmngaipawl thenkhat pawhin umchhuah kawngah Sawrkar nawrin, nasa takin hma alo la tawh a nih kha. Chuvang chuan MNF chuan Assembly ah hial bill pulutin, alo pass tawh a. Bill pass chu a hmalak tawp chin niin, kan unaute nen inpumkhatna a taka kalpui kawnga harsatna siam thei a nih tih hria in, hemi kawngah hian MNF kaihhruai sawrkar chuan hma ala zui ta miah lo a, tun sawrkar kalta ah pawh hemi kaihhnawih kan unau rawn raltlante kutzung chhinchhiahna siam(Biometric Enrollment) ti tura Central Sawrkar nawrna pawh Cabinet meetingin alo hnawl tawh bawk a ni.
Pi leh Pu te atanga kan luahchin ram rorelna pakhat hnuaia kan awmho leh hi zofaten kan hmathlir thui tak a ni a. Hei hi MNF pawhin pawm thlapin, hemi kawng dal zawnga hmalakna awm chi reng reng chu a do tlat zel dawn a. Central sawrkar pawhin ral muang taka thendarh a awm mek Zofaten kan nun kan hman chhunzawm zelna turin hemi kawng a hmalak tumna hi sut leh se MNF chuan a duh takzet a ni.
Kan unau Myanmar a awmte pawh kan impumkhatna leh unau na ti chhe zawng leh Ruihhlo chi hrang hrangte Mizoram kal tlang tur leh Mizoram chhunga rawn la lut tawh lo tur in MNF chuan a ngen in a hriattir bawk a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: