THIL HMANHMAWH THLAK NI LO VIN, THIL PAWIMAWH NGAIHTUAH THEIH DAN

_Pathianin Bahlahnate Dinchhuahlehnaa A Chantir Dan_

By Rick Warren 

— Nov 22, 2023

“Nite hi a that loh avangin remchannate lei zel rawh u.” Ephesi 5:16

Ni 365 chhung ringawt hi chuan kan duhzawng pawh a tih hman loh i ti maithei a ni. Kan thil duhzawng ti tur pawhin hun hian min daih ngang lo a ni i ti maithei bawk!

Thu lawmawm tak mai chu: Pathianin thil zawng zawng ti turin a beisei lo che. Ti tura a duh che tihnana hun daihtawk tur erawh a pe thung che a - i thil tih tur chu ruahmanna fel tak a nei a ni.

Chuvang chuan ruahmanna i neih a ngai a. Chu i thiltum chuan i nun a hruai ang che. Paula chu chu a vawng tlat a, “Tiam chin lam panin ka tlan ngat ngat a ni, boruak mai hnek lovin mahni ka inhnek zawk thin a," a ti (1 Korinth 9:26).

Paulan a damchhan a hrechiang a, a ruahmanna leh a thiltumte chutah chuan a dah a. Chu rilru ang chu i put ve a ngai a ni.

Mi tam tak chu thil pawimawhlo ah kan intlakral a. Thil te tham buaipui chu infiamna ang leh, kan hnam tihdan tarlanna ang chauh a ni. Tunlaiin khawvelin a buaipui tam tak hi chu chatuan lam hawi a tlem tawh hle a ni.

Mi tam takin 'thil hmanhmawh" leh "thil pawimawh" an thliar hrang thiam tawh lo va. Thil hmanhmawh thlak deuh nia lang te hi thil pawimawh vaklo te an lo ni leh ṭhin. Kan chhungte nen kan hun, Pathian nena kan hun te kan dah dahṭhaa, daihrei lo tur zawk kan ṭhiante nena kan hun kan dah hmanhmawh zawk fo ṭhin.

Thiltumte chu thil hmanhmawh ni lo vin, thil pawimawh engtin nge i bawhzui tih zawk hi a ni. Thiltumte buaipuia i awm chuan i nunah chakna leh hriselna i neih phah zawk ang.

Entirnan, kumin ah hriselna lam hawi thiltum i neih chuan, chu thutlukna chuan chakna nei turin ṭan a lak tir ang che. Ei in tur i chak emaw insawizawi aia mut a chakawm zawk pawhin, i thiltum chuan a thunun ang che a. Thil pawimawh chu eng zawk nge tih a hriattir ṭhin ang che.

Bible chuan, “Nite hi a that loh avangin remchannate lei zel rawh u,” min ti. Ephesi 5:16.

Kan thiltumte puitlin turin kan hun tam zawk kan hman zel a pawimawh. Thil ho mai mai atan kum hloh tawh suh ang che.

Ngaihtuah zui atan

* Engte nge i thil pawimawh ni si lo, thil hmanhmawh anga lang si a i hun khawhral ṭhin?

* Thil hmanhmawh ni lo vin thil pawimawh ah i hun i hman theihnan engtin nge i insiam danglam theih ang?

* Engvangin i thiltum chu kawhbik neiin i dah a ṭul?  Engti kawng zawngin nge kawhbik neiin i siam ang?

*[Lettu: Sangpuia]*