KAN THILTUM PATHIANIN MAL A SAWM TE

_Pathianin Bahlahnate Dinchhuahlehnaa A Chantir Dan_

By Rick Warren 

— Nov 21, 2023

“Chutichuan, tiam chin lam panin ka tlan ngat ngat a ni, boruak mai hnek lovin mahni ka inhnek zawk thin.” 1 Korinth 9:26.

Thil tum i neih loh chuan, kumhlui aiin kuminah hmasawnna tur i nei chuang lo.  I nunphung chu a pangngai ang tho a ni ang.

Thiltum thui tak i neih chuan nun awmzia a neih tir che a, i nun bahlahna tur pawh a veng che a ni.

Tu pawhin bahlahna kan nei vek a. chu chu nitinin kan buaipui thin. Nimahsela thiltum kan neih loh chuan bahlahna kan nei zel tho vang. Bible-in 1 Korinth 9:26. “Chutichuan, tiam chin lam panin ka tlan ngat ngat a ni, boruak mai hnek lovin mahni ka inhnek zawk thin,” a ti. 

 

Nakumah boruak i hnek duh ka ring lo. Nimahsela, thiltum neih ringawt chu a chhanna a ni chuang lo. Pathianin i thiltum zawng zawng hi mal a sawm chuang lo.

Hengte hi kan thiltum Pathianin mal a sawm thinte an ni:

*Pathian chawimawina thiltum :* Bible-in 1 Korinth 10:31 ah chuan, “Chutichuan, in ei pawhin, in in pawhin, in tih apiangah pawh, Pathian ropuina tur hlirin ti rawh u.” Phurna dika kan phur chuan, Pathian ropuina tura tihhlawhtlin theih a ni. 

*Hmangaihnaa chawhphur thiltum:* Pathian chu i thiltih aiin engvangin nge chu thil chu i tih tih a ngaihtuah zawk. Bible -in 1 Korinth 16:14 ah heti hian a sawi, “In tih apiang chu hmangaiha tih ni vek rawh se.”

*Pathian thiltum tihlawhtling tura thiltum:* Pathianin khawvelah thil panga ti turin a dah che a: chibai buk, a chhungte nih, Krista an, a rawngbawl leh i nun midangte hnena lantir. I thiltumte pakhat pawhin Pathian thiltum a kawk a nih chuan, mal a sawm ang. 

*Rinnaa thiltum:* I thiltumte chu Pathian tanpuina ngai khawp hiala lian a ni tur a ni. Bible chuan Hebrai 11:6 ah, “Rinna lovin ama lawmzawng mi nih rual a ni lo,” a ti. 

*Pathian thiltiheihnaa tihhlawhtlin thiltum:* Pathian puihna tel lo chuan i tum chu i puitlin lo vang. Nangmah mai chuan hriselna pawh i nei lo vang. In inneihna pawh hma in sawn  lo vang. I thiltum pawimawhte chu nangmaha puitlin rual an ni lo va, Pathian thiltihtheihna nen chauhva tih theih a ni.

I hmalam hun atana i thiltumte kha han en la. Pathian malsawm duzawng thiltum an ni em?

Ngaihtuah zui atan

* Kumin atana i thiltumte eng nge ni le? 

* I thiltumte chu Pathianin mal a sawm em? Engnge a chhan?

* Kumin chhungin - thlarau, taksa, rilru leh thil dangah engtin nge i danglam bik ang?

*[Lettu: Sangpuia]*