Aizawl | November 13, 2023: Ramri dep Burma chhung-ah vawiin khan an inkap a, hliam eng emaw zat awmin mipui thlabarin Zokhawthar an pan.
Myanmar sipaite hian jet fighter thawhchhuahpuiin, vawiin (13.11.2023) dar 9:30 vel khan bomb an thlak. Rihkhawdar hi Zokhawthar atangin kms. 4 vel a ni a, chumi piah lawkah Khawmawi hi a awm.
Champhai district hospital-ah hliam 10 chuang phurh thlen a ni tawh niin thudawnna chuan a tarlang.
Myanmar sipaite leh mipui sipaite chu Mizoram dep Myanmar khaw chhung Zohnahthlakte chenna, Rih dil chhehvel, Rihkhawdar leh a chhehvelah nimin (12.11.2023) atang khan an inkap tan a, tunah pawh an la inkap mek.
Mipui sipaite leh Burma sipaite in epna avangin mi thahnem tak chu niminpiah atangin Zokhawtharah an tlanchhe tan a, nimin lamah pawh mi eng emaw zat an rawn tlanchhiat belh.
Mipui sipai leh Myanmar sipaite hi nimin chhun atangin an inkap thawm hriat tan a ni a, a rei telh telha an inkap nasa telh telh. Mipui sipaite chuan Rihkhawdara Myanmar sipai camp an la tawh a, Khawmawi leh a bul khuaa sipai camp lak an tum leh mek, niin Bengvarna.com chuan a tarlang.
Heng khaw pahnihte hi Zohnahthlakte chenna niin mitthi an neih pawhin khawhar hla nena lumen a, mitthi vui thin an la ni. Zokhawthara belh tur nei lote chu YMA-in eitur an siam sak.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: