Zirlaite hnena Scholarship pawisa pekchhuah thuai ngiatin MZP-in punkhawm tum

Aizawl | November 13, 2023: MZP chuan zirlaite'n scholarship pawisa an dawn thuai theih nen, pawisa pekchhuah vat ngiatin MSB office kawtah punkhawm an rawt.

MZP chuan, Tribal Scholarship Second Installment la dawnglo ten an dawn thuai theih nan Mizoram sawrkar hnenah vawi tam tak alo thlen tawh a, Scholarship file pawh umzui a ni a. Tun thlenga zirlaiten an chanvo an dawn tur Scholarship an la dawn loh avangin naktuk November ni 14, 2023 (Thawhlehni) zing dar 9 hian Mizoram Scholarship Board Office (Dawrpui vengthar) kawtah Sit-In-Demonstration neih a rel a ni.

He hmalakna hian awmzia ala neih loh chuan zirlaiten an chanpual scholarship an dawn vat theih nan MZP chuan a tawp thleng hmalak zel a tum bawk.

Mizo Zirlai Pawl (MZP) General Headquarters, Aizawl chuan vawiin November 13, 2023 chhun dar 12:00 khan MZP Pisapui President room-ah Extended OB meeting neiin, Tribal Scholarship Second Installment zirlaite'n an la dawn loh chungchang sawiho a ni a. Meeting hi MZP President Pu H Lalthianghlima’n a kaihruai.

Zirlaite scholarship second installment tang zat hi cheng nuai 1,787.48 zet a ni a, heng pawisate hi Mizoram sawrkar kutah a luhna a rei tawh hle a. MZP chuan zirlaite hnenah pe chhuak vat turin thuneitute a ngen nawn leh a ni.

Scholarship second installment pawisa la dawnglo hi zirlai 19,495 an awm a, Mizoram chhunga zirna in 36 atangin zirlai 5,023 bakah Pawl XI leh XII zirlai 11,462 leh Mizoram pawna awm zirlai mi 3,010 in an la dawng lo a ni.

MZP chu zirlaite tan a ding zel dawn a, hma a laknaah hian zirlaite leh mipuite thlawpna a ngen bawk a ni.

• • • • • • 

Scan Here to Donate!

Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ