Maraland Missionary hnuhnung ber Violet Louise a her liam ta!

Aizawl | November 13, 2023: Zosap Missionary Mara hnam tana mi pawimawh, Rev Violet Louise Anne Mark, chu a herliam ta!

Maraland Missionary  awm chhun leh hnuhnung ber Rev Violet Louise Anne Mark (85) Missionary Bangalow Saikao (Serkawr)  chuan tukin 8:20 AM vel khan chatuan ram a pan ta.

Lakher Pioneer Missionary an thisen ral ṭhak khawpa inhlan an ni.

Mara ramah hian Lakher Pioneer Mission Missionary hmasa ber Rev. Reginald Arthur Lorrain chu a nupui, Moud Louise Ullander Lorrain nen kum 1907 khan Pathian thu hril turin Mara ram an thleng a, Serkawrah awmhmun khuarin Pathian thu an hril a, fanu pakhat, Marquirite Lorrain, a Mara hminga Tlosa tia vuah an nei.

Tlosa hian Sap ram atanga anmahni pui tura lo kal Albert Bruce Foxell chu pasalah a nei a, fa pakhat an neih chu Rev. Violet Louise Annie Mark hi a ni.

Violet hian pasal atan kum 1968-ah Rev. L. Mark a nei a, an chhungkua hian Mara ram chhuahsan lovin Pathian rawngbawl hna an thawk zui zel a, Rev. Violet Louise Annie Mark pi leh pu bakah a nu leh pa te pawh Mara ramah an thih ni thlengin Pathian rawngbawlin an awm a ni.

RA Lorrain hi Pu Buanga tia kan hriat lar James Herbert Lorrain nau a ni.

• • • • • • 

Scan Here to Donate!

Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ