NGOCC in vote chhiar hun sawn tura ECI ngennain awmzia a neih loh chuan protest tum!

Aizawl | November 18, 2023: Vawiin November 18,2023 (Inrinni) a Central YMA Committee Room a CYMA, MUP, MHIP, MZP leh MSU te telna NGO Co-ordination Committee thukhawm chuan, MLA inthlanpui vote chhiar hun sawn turin ECI sawipui tum, hmalaknain awmzia a neih loh chuan Protest Day hman tum bawk.

Mizoram Legislative Assembly Inthlan Vote chhiar hun atan Election Commission of India (ECI)-in December 3,2023 (Pathianni) a ruat tawh chu a tihdanglam loh tur chungchang a ngaihtuah a. Inthlan Vote chhiar hun sawn a nih theihnan Election Commission of India (ECI) hotute an hmunpui ngeiah sawipui tum an ni.

NGO CC chuan, He hmalakna hian awmzia a neih loh chuan Protest Day hman an tum bawk.

NGO CC chuan thuchhuah siamin, Vote chhiar hun sawn a nih theihna turin Mizoram Kohhran Hruaitute Committee (MKHC) pawh an hma zawnah theihtawp lo chhuah zel turin an beisei bawk a ni.