Kawng siamṭhat hna thawh dawn vangin Sihphir kawng khar dawn

Aizawl | November 10, 2023: Kawng siamṭhat hna thawh dawn vangin Selesih leh Sihphir inkar kawng khar dawn a. Kawng hi ni 25 chhung khar a ni dawn.

Durtlang Leitan to Sihphir kawng Improvement and Widening works CRIF hnuaiah hna thawh mek a ni a. Sr. Executive Engineer, PWD, Aizawl Road North Division in a dil angin leh kawng siamthat hna chak zawk a thawh a nih theih nan Selesih to Sihphir section hi khar (Complete Road Block) tha ni a hriat a ni a. Selesih leh Sihphir inkar kawng hi 14th November, 2023 atanga 08th December, 2023 atan khar a ni dawn.

Hemi chungchangah hian Aizawl SP Pu Rex Zarzoliana Vanchhawng chuan lirthei hmanga veivakte zawm tur thupek pawimawh a ti chhuak.

Kawng khar a nih chhung hian LMV leh a hnuailam tan a hnuaia tarlan ang hian Lirthei kal dan dang (alternate road) ruahman a ni:

1. Aizawl to Lungdai lam pan tur ten tan Selesih kawn to Sihphir Kawnveng zawh tur a ni ang.

2. Lungdai lam atang a Aizawl lam pan turte tan Sihphir Arpu Veng (Rinchhan Veng) atangin Selesih kawn ah kal tur a ni ang.

3. Hnathawhna hmun paltlang Lirthei veivak lo enkawl chu PWD/ Company te mawhphurhna a ni ang.

4. Laklawh taka Motor lian (Heavy Vehicle) hnathawhna hmun tarlan paltlang tum an awmloh nan Zanlawn, Bawngkawn leh Durtlang ah te Hriattirna tar tur a ni a, he hriattirna tar hi PWD/Company te mawhphurhna a ni ang.

He thupek hian chhiatrupna thil, kangmei leh emergency kaihhnawih a duty, dan leh thupek pawimawh bik a Police leh Magistrate duty te leh emergency a damlo hruaitu te chet velna a huam lovang. He thupek bawhchhia chu u/s 179 Motor Vehicles Act, 1988 hmanga hrem theih an ni ang.