ZMC Faculty Doctors Conference vawi khatna hmang

Aizawl | November 10, 2023: Zoram Medical College Faculty Doctors Association (ZFDA) Annual Conference vawi khatna chu November ni 10, 2023 khan ZMc Academic Block- ah neih niin, Mizoram University (MZU) Vice Chancellor Prof Dibakar Chandra Deka chu khuallian a ni.

He Conference hi ZFDA president ni lai Dr. Lalrinfela'n kaihhruiaiin, ZMC Chaplain Rev. J Lalbiaknia'n Pathian hnenah a hlan.

Khuallian Prof Dibakar Chandra Deka chuan, "ZFDA 1st Annual Conference a khuallian atana an sawm a ni leh Zoram Medical College chu Mizoram University hnuaia affiliated college anih chu lawmawm" a ti a, ram hmasawnnan chuan discpline hrang hrang thawhhona a pawimawh zia sawiin, ZMC faculty te chu, Mizoramin hriselna lama hma a sawn zel theih nan leh MBBS zirlai te chu doctor tha tak an lo ni theih nan theihtawp chhuahzel turin a chah a ni.

Conference-ah hian ZMC din theih nan leh hmasawn nana lo thawhhlawk tawhte chawimawina hun hman a ni a, Director hlui Prof L Fimate, Director Dr John Zohmingthanga, Director leh Registrar Dr. Jane R Ralte te chu chawimawina hlan an ni.

He conference ah hian rorel hun neih anih bakah, ZFDA Hruaitu thar thlanna hun neih a ni a, term thar 2023-2025 ZFDA Office Bearers atan Dr. Lalrinfela, Dr. Benjamin Lalrinpuia, Dr. C. Vankhuma, Dr. Samuel Lalhruaizela, Dr. Zothansangi leh Dr. Betty Laldintluangi te chu thlan tlin niin, post hi nakina siam rem tur a ni.

ZFDA General Secretary ni lai Dr. Benjamin Lalrinpuia hnen atangin ZFDA hmalakna hrang hrang report ngaihthlak niin, Finance Secretary Dr Samuel Lalhruaizela Vuite hnen atangin finance report ngaihthlak ani bawk.

Hei bakah Continuing Medical Education (CME) neih niin, Dr C. Vankhuma, Dr. R Lalrinmawia, Dr. Christina Zosangpuii leh Dr. Lynda B Zohlupuii te hnen atangin thupui pawimawh tak tak ngaihthlak ani a. Vice President Prof Zoramthara Zadeng hnen atangin Vote of thanks ngaihthlak niin he conference hi khar a ni.