Prof. Laldinliana'n Doctor of Literature (D.Litt.) in Entrepreneurship dawng

Aizawl | October 10, 2023: Hriat theih chinah, Mizo zingah a vawikhatna atan Prof Laldinliana chuan Doctor of Literature (D.Litt.) in Entrepreneurship chu Livingstone International University of Tourism Excellence & Business Mangement, Lusaka, Zambia atangin a dawng.

Prof. Laldinliana hi kum 2011 khan Mizoram University hnuaiah Ph.D (Commerce) dawng hmasa ber a lo ni tawh a, tunah hian Dept. Of Commerce, Mizoram University ah Professor ni mekin, MZU Incubation Centre ah Director nihna a chelh mek bawk. Incubation Centre-ah hian startup business idea nei te tan engtik lai pawhin an pui thei reng a ni.

Prof. Laldinliana hi Mizoram Startup Mission, Govt of Mizoram ah Expert Member ni lai a ni a, Commerce and Industry Development Board Member nihna a chelh mek bawk. Zirna lamah D.Litt bakah hian Ph.D (Commerce), M.Com, MA (Philosophy & Religion), PD Diploma in Marketing Management (PGDMM), PG Diploma in Computer Application (PGDCA) a ni. A nupui fanau te nen Mission Vengah cheng mekin, Presbyterian Mission Veng Kohhranah Tual Upa a ni mek bawk a ni.