Kum 88 mi J Rosanga'n M.A a zir mêk

Aizawl | October 10, 2023: Kum 88 mi, J Rosanga chuan tunah hian IGNOU hnuaiah M.A English a zir mek.

Pu J Rosanga chuan, "mihring hi damchhunga zir tur nei kan ni a, zir duh leh zir chak kan neih chuan zir zel ila, tlai luat a awm loh zia hre rengin, zirna leh thiamna hian kan nunah hlimna min pe tel," a ti.

J Rosanga chuan, "tunlai khawvelah English a pawimawh tawh a, ka zir thei te hi ka lawm," tiin, thalaite zuk leh hmuam te insum a, zirna ah hmasawn tum zel turin a duh thu a sawi tel bawk.

ṭhalaite zingah a exam ve..... thla an lakpui... | Rebecca Malsawmtluangi

J Rosanga hi kum 1935 ah Cherhlun ah a piang a, Unau pianpui panga a nei. Kum 6 mi a nih in Thingsai khuaah an pem a, tunah hian Khatla, Aizawl ah a cheng mek a, "tlangval hnahkhat ka ni e," a la ti bawk a ni.

Kum 1955 khan Sipai ah lutin, 1983 khan Assam regiment hnuaiah Subedar niin a pension a ni.

Kum 1990 khan Open-ah Matric a exam a, hun rei tak zirna lama thluak lo chawl tawh a ni bawk a, a tluang purh bik lo. 'Ka tum nge ruh, sa ruh' tiin theihtawp chhuahin a bei fan fan a, kum thum lai a bei nghe nghe a ni. Zirna chu a varpawh laklawh tawha tawpsan mai a tum tawh lo! A kum enin sikula kal chi ziazang a ni tawh lova, Pawl 12 pawh open hnuaiah a zo ve leh a ni.

Kum 78 mi a nihin IGNOU hnuaiah BA English a zir leh a, tunah hian kum 88 niin, MA English, IGNOU hnuaiah a bei leh mek a ni.