I RILRU NATNA CHU THLEN NAWNTIR SUH LA, LIAMTIR RAWH

 Hmangaihna Nen Ni 40

I RILRU NATNA CHU THLEN NAWNTIR SUH LA, LIAMTIR RAWH

By Rick Warren 

— Oct 10, 2023

“Tawngtaia in din hun apiangin tu chungah pawh thupawi eng emaw in neih chuan ngaidam rawh u; in Pa vana mi pawhin in bawhchhiatnate chu a ngaihdam theihna tur che uin.” Marka 11:25

Miin min tihnat chuan kan rilruah thil pahnih a lo lang nghal a: hriat reng leh thungrulh a ni.

Nimahsela chu chu 1 Korinth 13:5 min hrilh dan a ni lo: Hmangaihna chu, “a che mawi lo lo va, mahni hma a sial lo va, a thinur duh lo va, sual lamah a ngaihtuah lo va.”

Nangmah tinatu chu engtin nge i hmachhawn tak ang le? I rilru a hliam leh na i pai reng chu engtin nge i chinfel le?

Thlen nawntir suh. Paih bo hmak la. I na chu liamtir la. Ngaidam la, hmalam pan zel rawh.

Kan rilru a nat viau chuan, kawng thumin thlen nawntir kan rilruk ve thin a: rilrua pai chungin, inlaichinna tihchhiat leh mi dang hnena tawngkaa hrilhte kan duh thin.  

Pakhatna, rilrua ngaihtuah fo chungin kan thlen nawntir a. Mahse mi huatna chu mahni intihchhiatna a ni. Nâ chu a ti punlun zawk a ni. Damna a thlen lo va. Engmah a chinfeltir lo va. I rilrua i ngaihtuah tam apiang chu i chet dan pawh a ni zel. Tunhmaa i nat dan ngawt i ngaihtuah a nih chuan, chutiang chuan i che mai ang. Mahse hmalam hun i ngaihtuah chuan, hmalamah zel i che chhuak ang.  I theihna i ngaihtuah chuan, i theihna lamah i che zel ang.

Pahnihna, kan inlaichinnaah kan natna kan thlen nawntir. Kan natna chu tha lo takin kan thlen nawntir a. Chu chu hre reng chunga kan tih chang pawh awm a ni. Bible-in Thufingte 17:9 ah chuan, “Bawhchhiatna thuptu chuan inhmangaihna a zawng a, thil sawi hmang chuan ṭhian bulte a tiṭhen ṭhin,” a ti. Nupa karah leh thil dangah pawh phunchiarna a tam thin. Phunchiarna chuan a ṭha zawngin hna a thawk lem lo. 

Pathumna, mi dang hnena sawi chhawng zelin kan natna kan thlen nawntir thin. Chu chu kam tam kan ti. Pathian leh kan mi ngei te tih loh, mi zawng zawng hnenah kan kam tamns kan tilang thin. 

Pathianin kam tam hi a hua tih i hria em? Chapona a hua ang bawkin a hua a ni - a chhan chu kam tamna pawh chutiang tho chu a nih vang a ni. Kam tam hi thil awl tak mai a ni a, mi dang aiin kan tha zawk tia insawifel tumna a ni. I kam tam poh leh i chapo tihna a ni. Pathianin chapo leh kam tam hi a hua a ni.

Hmangaihna chu a che mawi lo lo va. Hmangaihna chuan hliamte a thlen nawntir lo va, chu chuan mi huatna emaw chapona emaw kam tamna emaw lakah a veng a ni. 

Marka 11:25 chuan, “Ṭawngṭaia in din hun apiangin tu chungah pawh thupawi eng emaw in neih chuan ngaidam rawh u; in Pa vana mi pawhin in bawhchhiatnate chu a ngaihdam theihna tur cheu in,” a ti. 

Hmangaihna chuan rilru natna chu a kal liamtir mai thin.

Ngaihtuah zui atan

* Rilru natna i neih mek i hriat reng fo thin hi vawiinah hian liamtir a tul em?

*Engvangin nge thiltih sualah hian ngaihdam aiin phun mai hi kan awlsam zawk thin? Hun rei zawk han thlir hian chu chu a awlsam zawk chiah em?

* Engvangin nge kamtam mi i hmachhawn dan hi i thlak danglam a tul?

[Lettu: Sangpuia]