Aizawl | Oct 10, 2023: Battleground Mobile India hnuai a, tournament lian leh ngaihhlut hlawh ber Battleground Mobile India Series 2023 Grand Final chu MUMBAI hmun ah khelh a ni dâwn a. He BGIS tournament hi tawng chi hrang pariat in mipui te thlir theih tura chhawpchhuah a ni dawn a. Heng tawng chi hrang zîngah hian a vawikhat na atan Mizo tawng chu dah tel ve niin Mizo tawng a game caster tur hian Mizo pathum te chu Mizoram atanga thlan chhuah an ni.
Heng thlan chhuah tak te hi Lalremsanga (Vairengte) stage name: Ppa Pachuau, Lalhmingliana(Upper Kanan) stage name :Booboo Yt leh Zomuansanga(Champhai) stage name: Blurryface te an ni a. Heng Mizo pathum te hian tun thla tahrîk ni 10 hian Lengpui Airport atanga Mizoram chhuahsan in BGIS Grand Final khelh na hmun tur Hyderabad hi an pan dawn a ni. Battleground Mobile India enkawl tute hi Krafton lam niin an ni hian Mumbai ah awm hmun an khuar mek a ni.
Battleground Mobile India Series 2023 a lawmman an sem ral tur hi vaibelchhe hnih (2 Crores) niin final ah hian team 16 ten hnehna chan tum in inelna an hmachhawn dawn a ni. He tournament a Mizo tawng a cast tu tur Mizo caster thlan chhuah te hian Krafton nen contract mâwm tak an sign bawk a ni.
Krafton lam hian heng caster thlan chhuah pathum te hi an zinkawng senso leh awm na hmun te bakah an ei leh in thleng in an tum sak dawn bawk a ni. India rama mobile games khelh hlawh tak leh thalai te ngaihnat leh atchilh rawn Battleground Mobile India a intihsiakna lian leh ngaihhlut hlawh ber a Mizo tawng an telh thar hi a ropui in a lawmawm em em a. Kan Mizo tlangval thlanchhuah pathum te hian Mizoram thalai te tan e-Sports bik ah hma an hruai dâwn ta a. Anmahni hnu lam zel ah pawh hetiang a caster dang hi thalai dang te zing atang pawh an lo awm belh zel beisei ang.
.
Post a Comment
He post chungchanga i ngaihdan lo sawi ve rawh: