Aizawl | Oct 9, 2023: Ex Minister, MNF aṭanga BJP zawm ta Siaha Biala BJP Candidate tur Dr K Beichhua chu vawiin khan Siaha thlengin BJP buatsaihin ropui taka hmuah a ni.
Siaha Traffic Pointah hmuahna hun buatsaiha ni a, he hunah hian BJP Siaha District President M Laikaw, Dr K Beichhua, leh Pu N Zakhai Adv. to CEM MADC ten thu an sawi.
M Laikaw chuan, "Keini Siaha BJP te hian Maraland tan policy nghet leh Maraland tan Policy neih awm chhun kan ni. 6th. Schedule Amendments, kan dil mek hi Maraland mipui zawng zawng te tan a ni. Pathian zarah a hlawhtlin na pawh kan hmu ngei bawk ang. Kan ram leh hnam tana dinchhuahna pawh ni chuang lo, therhlo beisei reng chunga Politics awm hi kan ram kan tichhiah a ni. SEDP pawh hi kan dinchhuahna tur pawh ani lova, inbumna mai a ni. MNF Policy zawng zawng hi kan ram dinchhuahna tur engmah a awm lo a ni. MNF leh Pu. Zoramthanga dawhkan ah hian kan leng ve lo a ni" ti a sawi.
M Laikaw chuan sawi chhunzawm in "Dr.K. Beichhua Minister ani chhunga a hnathawh te hi a ropui em em a, fak a phu em em bawk a ni. Kan ram leh hnam himna ngaihtuah chunga Siaha BJP Official Candidate Dr. K. Beichhua Vote theuh turin ka sawm che u a ni" ti a sawi bawk a ni.
Dr K Beichhua pawhin thu a sawi a, "Ahmasa in Mara mipui zawng zawng leh ka bial mipui hnenah lawmthu ka sawi a, MLA Term hnih chhung min tawiawmna thinlung takin lawmthu ka sawi bawk a ni. BJP ka zawm hmâ a Central leader te nen kan dawrhna leh ka thil ngiat thenkhat te chu a hlawhtling chho mek zel a, a lawmawm tak zet a ni. Kan mamawh leh kan pawimawh zawng zawng min pe theitu tur chu BJP hi a ni. Manipur buaina pawh hi diklo takin kan hmang a, hei hi thil pawi tak a ni. BJP Kuki MLA 10 te BJP ah nghet takin an awm a, BJP support zel an tum bawk. Keini erawh Kuki kan tan a, BJP kan huat tir a, Kuki te erawh BJP an tan thung" ti a sawi a. Sawi chhunzawmin, kan ram leh hnam tana tha leh kan hmasawnna tur ngaihtuah chunga BJP awm turin Siaha mipui te a sawm bawk a ni.
N Zakhai pawhin thusawina neih ve in, District Council kan nei dawn kha, Mizo Union ten theitawp in min dodal a, tunah 6th Schedule Amendment kan dil kawngah MNF pawhin nasa takin min do leh mek a ni. Heng Party te hi kan tana tha tur reng reng duhlo tu Party te an ni. Pu. PP. Thawla leh Pu. Dr. K. Beichhua te hi Mara an nih avanga MLA leh Minister atanga ban an ni. Mara ram tana Policy nei lo, ZPM, Congress leh MNF Party te hi kan hnawl ngam tur a ni" tih a sawi bawk.
He hunah hian BJP siaha District President Laikaw chuan MNF, Congress leh ZPM atangin BJP ah Voter 1234 te chu lawm takin a lawm lut bawk.
He hun hi MC Beichonochai, Vistarak Siaha MLA Constituency in hun a kaihhruai a ni.
.
Post a Comment
He post chungchanga i ngaihdan lo sawi ve rawh: