Aizawl | October 25, 2023: YMA Khawmpui Lian vawi 74-na chu Biateah Ni 24.10.2023 (Thawhlehni) zan atang khan neih a ni a. Nizan khan Palai lawm inkhawm neiin Pu Fabian Lalfakawma, Treasurer CYMA in a kaihruaia, Prof. Lalnuntluanga Genneral Secretary CYMA in report pein hun a hmang bawk. Pu Roneihthanga Fin. Secretary chuan 2023 chhunga Central YMA sum chetvel dan report a pe a ni. Zaithiam engemawzat zaiin Lemchan leh Mizo rimawi tumthiamten hun an hmang bawk a ni.
Vawiin Ni 25.10.2023 chawhma dar 11:00 khan Inkhawmpui Palai mi 1579 ten ro an rel a. YMA Inkhawmpui Lian rorêl hi Pu R. Lalngheta President Central YMA in a kaihruai a. YMA khawihah agenda paruk (6) relin lungrual takin Khawmpui palaiten an passed a. Sawrkar khawihah agenda pahnih relin pakhat passed a ni.
YMA Inkhawmpui Lian 2023 Rorêl in agenda a passed te chu :
(Agenda pic dah a ni e.)
Kum 2023 - 2024 Central YMA Budget atan ₹2,01,11,760/- chu passed a ni.
Kumpuan rawtna 2 awmah Ram leh hnam humhalh tih chu palai kalkhawm ten ban pharin an thlang.
75th YMA Inkhawmpui Lian, 2025 thlen diltu 2 awm atangin Rorêl Palai ten Secret Ballot in Sakawrdai Jt YMA chu an thlang a ni.
Zanin dar 7:00-ah Vantlang inkhawm neih a ni ang a, naktuk ni 26.10.2023 hian Zialung Rûn, Biateah kum 2023-2025 chhunga Central YMA Office Bearers tur thlan a ni ang.
Post a Comment
He post chungchanga i ngaihdan lo sawi ve rawh: