Lungtan PS zirtirtu sawnchhuah tum-ah NGO lungawi lo!

Aizawl | September 5, 2023: Lungtan All NGO chuan nimim khan thuchhuah siamin, Lungtan Primary School zirtirtu Lalrinpuii amah thlaktu tur awm lova sawn a ni tur chu an hriatthiam loh thu sawiin, an lungawi loh thu an tarlang.

Lungtan NGO chuan, transfer a ni hiaan pawm theilo a, Transfer order sut emaw hnuhlet emaw a nih theih nan Sawrkar hi hmala turin an phut a, Transfer order sut emaw hnuhlet emaw a nih loh a a aiawh Zirtirtu nghet sawrkarin a dah hma chu Joining report pe theilo tur a dan beh Lungtan All NGO chuan an tum a ni.

"Dt 10. August. 2023 a Directorate of School Education, Govt of Mizoram thuchhuakah Pi Lalrinpuii (Teacher, Primary School, Lungtan) chuan transfer dil emaw thlaktu tur emaw awm si lo a transfer order a hmu hi Khawtlang mipuite chuan hriatthiam har kan ti hle a, All NGO, Lungtan chuan zirlai leh Khawtlang hmakhua ngaihtuahin he thilthleng hi a hrethiamlo hle a ni." tiin Lungtan NGO chuan an tarlang a.

"Govt Primary School Lungtanah hian Zirtirtu nghet pahnih neih mek a ni a. Pakhat zawk hi Pi Lalchharliani (headmistress) ni in Kum 2024 a pension mai tawh tur a ni chung a hetiang a zirtirtu nghet kan neih lai in transfer order a hmu mai hi hriatthiam har kan ti hle bawk." an ti.

NGO chuan, Pi Lalrinpuii hi Lungtan in School hrang hrang kan neih zing a Zirtirtu tha ber zing a mi, Khawtlang mipuiin kan to leh fate enkawl tur a kan duh ngawih ngawih a ni a, an ti a.

"hetiang a nih avang hian transfer a ni hi kan pawm theilo a, Transfer order sut emaw hnuhlet emaw a nih theih nan Sawrkar hi hmala turin kan phut tlat a, Transfer order sut emaw hnuhlet emaw a nih loh a a aiawh Zirtirtu nghet sawrkarin a rawn dah hma chu Joining report pe theilo tur a dan beh All NGO chuan a tum a ni. "an ti.

Lungtan aṭanga thudawnna chuan, "Transfer Order hmuh anih rual hian All NGO meeting chuan Primary Teacher kan mamawh zia hriain Aug. Ni 23-24 ah Bialtu Minister Dy CM Pu Tawnluia leh Education minister Pu Lalchhandama Ralte bakah Education Director te biain All NGO aiawh Lamkal intirh ani a, Sep. Ni 10 hi Joinning Report pek hun tawp anih a vangin Vawiin ni thleng a Sorkar lam thu leh hla engmah a awm loh a vangin Sawrkar hian Lungtan P/S Teacher Transfer Order hi min sut let sak a maw Post ruak hi a rang lama min hnawh khah sak leh thuai turin kan beisei ani." tiin a tarlang bawk.