Inlarna tih dik tuma ram hruai tum hi a tha lo

Aizawl | August 21, 2023: ZNP President H Lalrinawma chuan, "Inlarna tih dik tuma ram hruai tum hi a tha lo," a ti.

He thu hi 'Sakhaw Zalenna leh Ram leilung fate hamthatna humhalh' inkhawm Vanapa Hall-a August 18, 2023 a neih-ah a sawi.

Inlarna tih dik tuma ram hruai tum hi a tha lo a. Dikna leh rinawmna nena ram hruai hi a tlo ber a, kan ram kan hnam a damna tur chuan kan inlungrual ang a, a tul chuan kan thawkho mai tur a ni. Manipur boruakah pawh mizote kan inlungrual em em a, kha thil kha BJP te'n Hindutva an kalpui zel duh lohna nen a inzawm tlat niin a lang bawk a ni.

Astrologer pakhat chuan, India ramah BJP in Party mala chak taka rorelna a lekkawh hunah India hi phel 7 ah a la phel ang tih hi an lo sawi lawk tawh a. Kei pawhin chanchinbuah ka lo ziak ve tawh a, chu chu a lo thleng dik ṭan mek a ni.

Kan MP te khan Aizawl an lo thlen khan eng nge an sawi? Thusawi ka dil a, mahse an phal lo ti an awm a. Ram leh Hnam himna atan chuan microphone pawh off mah se an ding ngam tho tho tûr a ni. Kan nun hi Pulpit tlanga kan thusawite nen hian inmil se la, Pathian lam ṭang Kristian ni tlat ila, BJP hi tuman mawngzawm tawh suh se. BJP hian a mihring (Mizote) hi min duh lo. Kan ram chiah hi a ni an duh. Chakna ni lovin, thiltihtheihna ni lovin ka thlarau zawkin le ti ṭhin Krisitian te kan nih angin 'Mizoram Secular Alliance' a lo tel vek turin Kristian tawh phawt chu kan sawm vek che u a ni.