Aizawl | August 21, 2023: Mizoram Pradesh Congress Committee General Secretary leh Mizoram Secular Alliance Chairman John Siamkunga chuan, " Hindu Code Bill leh Uniform Civil Code hi thil hrang daih a ni," a ti.
He thu hi 'Sakhaw Zalenna leh Ram leilung fate hamthatna humhalh' inkhawm Vanapa Hall-a August 18, 2023 a neih-ah a sawi.
"UCC kan sawi thin a, NE kan him dawn a lawm an ti thin a, kan him theih chuan Uniform a ni lo, kan him theih kan ring lo. Home Minister Amit Shah-an nangni chu inhim dawn a tih hi kan sakhaw Puithiam/Pastor te sawi aiin kan ring zawk ta tlat em ni?
UCC a hlauhawm loh tia kan sawi thin hi a mak ka ti a. Jawaharlal Nehru hunlaia Hindu code bill siam nen kan sawi pawlh thin. Kha'ng kha chu Hindu tan bik a ni a, keini Kristian te min huam ve lo. Anmahni Hindu bik inenkawlna tura siam a ni. Tuna UCC kalpui an tum hi chu kan vai huap a ni a, sakhaw tin a tel vek dawn a, dan khat hnuaia tihdan thuhmun, a lian ber Hindu duhdana kal tumna a ni, a ti a. UCC duhlo hian kan mithiam IAS leh IPS rual ten PM Modi hnenah an duhlohna an lo thlen hial tawh a ni.
Anti Conversion Bill awmna hmunah sakhaw zalenna a awm thei lo a. Congress lalna hmunah chuan zalenna a awm thin a, mipui vantlang tana thatna a awm thin. Congress chuan sakhaw zalenna awm theih nan Constitution a Preamble ah Secular a telh hial tawh a ni. Sakhaw zalenna Secularism hi kan vawnhim a ngai a, kan vawnhim loh chuan kan chan hian maian chan pawh a tluk lovang."
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: