Chief Secretary hovin a vawikhat nan State Cooperative Development Committee thukhawm

Aizawl, the 25th August 2023: Chief Secretary Dr. Renu Sharma hovin vawiin khan CS Conference Hall State Cooperative Development Committee chu a vawikhat nan an thukhawm.

Thutkhawmnaah hian Chief Secretary chuan Sawrkar Laipuiin Cooperative Movement a ngaihpawimawh avangin Union Cabinet ngei in chak taka kalpui anih theih nan, a kalphung thar a duan thu te tarlangin hemi kawngah hian Mizoramin hma kan sawn theih nan Department a thawktute leh a kaihhnawih Department dangte chu theihtawp chhuah turin a fuih a ni.

Meeting ah hian Dr. Lalrozama, Secretary, Cooperation Department chuan Committee kalphung tur leh a hnathawh tur te sawifiahin Pu Amol Shrivastava, Registrar of Co-operative Societies in hma lak mek leh hmachhawp te a hrilhfiah a ni.

Union Cabinet Meeting January 15, 2023 a neih a Cooperative Movement tihchak nan mipui mimir a thlen phak nan ruahmanna duan pharh chu a pawmpui a. Hemi dung zuiin State Cooperative Development Committee chu Mizoram Sawrkarin August ni 1, 2023 khan a ruangam thar a din a ni.