JB Foundation-in Uisa Zuar Pawl te 'Ui talh leh a sa zawrh' titawp turin hriattir; Sawrkar-ah an pawl registration cancel turin ngen

Aizawl | August 25, 2023: JB Foundation chuan tunhnai khan Uisa Zuar Pawl te 'Ui talh leh a sa zawrh' titawp turin hriattir a. Sawrkar-ah an pawl registration cancel turin an ngen bawk.

JB Foundation chuan August 23, 2023 khan Uisa zuarte chu an signboard tar te la thla turin hriattir a, 'Dan in a humhalh Ui talh leh a sa zuar zawm tawh lo tur a ngenna' an pe a. An eizawnna kalpui mek chu tawpsan turin a hriattir bawk.

An lehkha-ah chuan, "Dan in a humhalh tlat Ui talh leh a sa zawrh hmanga eizawn hi a rem tawh lo tih kan hre tlang tawh bawk a, a rang thei ang ber a association member tt hrilh hriaa Signboard tar te pawh la thla tura ngen leh hriattir i ni e. A chunga dan tarlan tan chhan hian kan State ah pawh PCA dan bawhchhe tu te lakah hmalak thin a ni tawh a, dan ang taka an chunga action lak thin a ni." tiin an tarlang.

JB Foundation hian August 23, 2023 vek khan Uisa Zuar Association Registration pawh sawrkarin a tihtawp sak nan lehkha ziakin The Registrar of Firms & Societies -ah an thlen bawk.

June 20, 2023 -a Mizoram State Animal Welfare Board (MSAWB) chuan an Chairman Er. Lalrinawma, AH & Vety Minister hova S.A.D Conference Hall, MINECO-a thutkhawm chuan, JB Foundation-a ran chhanchhuahte enkawl emaw lachhawng (adoption) duh an awmin inkaihruaina felfai tak a awm theih na turin AH & Vety Department chuan 'Prevention of Cruelty to Animal Act 1960' hnuaiah inkaihhruaina (guidelines) felfai tak lo siam se tih a ni. Ran phurh chungchangah 'The Transport of Animal Rules 1978' chu khauh zawka kalpui ni se, dan bawhchhelo tura inzirtirna uar zawk a kalpuiin Mizorama kohhran leh pawl hrang hrangte hnenah lehkha sem nise tih niin dan bawhchhiate hrem an nih ngei theihna tura hmala turin JB Foundation- te chu ruat an ni.

- https://www.exploremizoram.com/2023/06/ah-vety-minister-hovin-mizoram-state.html

JB Foundation chuan, August 23-a Uisa Zuar Association hnena ngenna an pekah hian a hnuaia mi ang hian thu an ziak;

"Dan in a humhalh Ui talh leh a sa zuar zawm tawh lo tur a ngenna

Mizoram Sorkar in Animal Slaughter Act 2013 a sa ei theih bithliahna a siam zingah visa an tih tel chu Kan Ram Danpui (Indian Constitution) Article 48na kalh anih avangin Animal Welfare Board of India chuan ennawn turin Legal Notice a pe a, ennawn anih hnu in The Mizoram Animal Slaughter (Amendment) Act, 2020 chu pawm alo ni to ni. Mizoram a sa ei theih zing atangin visa hi paih a ni to hawk a. Tin, Food Safety and Standards Authority of India in thuchhuah an siam "Food Products Standards and Additives" 2011 (2.5.1) a sa ei thiang a sawi zingah Ui hi telh a ni lo tih kan hriat a pawimawh hle mai.

Dan in a humhalh tlat Ui talh leh a sa zawrh hmanga eizawn hi a rem tawh lo tih kan hre tlang tawh bawk a, a rang thei ang ber a association member tt hrilh hriaa Signboard tar te pawh la thla tura ngen leh hriattir i ni e. A chunga dan tarlan tan chhan hian kan State ah pawh PCA dan bawhchhe tu te lakah hmalak thin a ni tawh a, dan ang taka an chunga action lak thin a ni.

Tin, Animal Welfare Board of India in Legal Notice a tihchhuah ah hian "Eng sorkar mah hian ran reng reng an hrisel vang emaw, hriselloh vang emaw tihhlum (Talh) ngawt theihna gazette notification chhuah turin thuneihna tluantling a nei lo" tih ziahlan a ni bawk a ni. Dan kan zawm mai hi himna !eh khua leh tui tha nihna a nih thu mite thinlunga tuh turin thahnem min ngaihpuia, dan in a phalloh thil to laka kan fihlim theuh theih nan theihtawp a tan min lakpui turin I khawngaihna kan rawn ngen tak meuh a ni. Thilsiam dangte hmangaih taka enkawl hi Pathian kan hmangaihna kan lantirna a ni si a.

Pathianin malsawm zel che rawh se."