Lunglei District-ah Hmankhat daih plastic hman tihtawp a nih theih nan hma la chhunzawm

Lunglei, | August 25, 2023: Lunglei District huamchhunga hmankhat daih plastic hman tihtawp anih theihna tura hma latu District Level Enforcement Squad for Single Use Plastic Free ten vawiin khan inspection an kalpui leh a ni.

Inspection hi Venglai huamchhung a dawr thenkhatah te neih niin; dawr tam zawkah chuan hman khat daih plastic la hmang hi a tam zawk an ni a. Athenin thermal bag te hmang tawhin, Plastic Waste Management Rules, 2016 leh Lunglei Plastic Waste Management By-Laws 2023 hi zawm turin intiamkamna (Form- I, Form of Declaration) hmanga neih tir an ni bawk. Heng dawrah te hian plastic bag, container, no, thleng leh plastic atanga siam eng chi pawh (Plastic Waste Management Rules, 2016) in a khapte hman, kawl leh hralh chhuahte ti lo tur leh, endikna neih hunah man annih chuan Lunglei Plastic Waste Management By-Laws, 2023 behchhana lei chawi an inhuam tih intiamin;dan bawhchhiate lei chawi zat tur te hrilhhriat nghal an ni bawk.

Vawiin Inspection team kal chhuak te hian dawr hrang hrang 98 tlawhin, hman khaih daih plastic hi zuar/hmang nawn tawh lo turin an hriattir hlawm bawk a ni.