Aizawl | July 4, 2023: Mizoram Kohhran Hruaitute Committee (MKHC) chuan Manipur buaina a reh a, remna leh muanna a lo awma, hnam hrang hrangte lungrual taka khawi hmunah pawh kan lenza theihna turin mi zawng zawngte Pathian hnenah tawngtaia dil turin mipuite a ngen a. Kohhran hrang hrang tualchhung kohhran te chu mahni rem chan dan in Dt 8 emaw 9, July 2023 hian he tawngtaina hun hi hmang theuh turin a ngen bawk.
 |
| MKHC Logo |
MKHC chuan vawiin khan thuchhuah siamin, Manipur state-a chi leh chi inkara May 3, 2023 leh a hnu lama buaina chhuak chu MKHC chuan pawi a ti tak zeta. Sakhua hmun hmate, biak in leh kohhran bungrua (property) hrang hrang te inzah sak lo taka tihchhiat hi an dem a, thleng tawh lo se an ti.
MKHC chuan, "He buaina avanga nunna chan tam tak an awm hi pawi kan ti tak zeta, an chhung leh khatte kan tuarpui tak zet a ni." an ti bawk.
MKHC chuan remna leh muanna a lo awm leh thuaina turin rang tak leh chak taka hma la turin thuneitute, Central sawrkar, State sawrkar leh pawl hrang hrang hruaitute a ngen a ni.
Kohhran hrang hrang te’n mahni theih ang anga, he buaina avanga in leh lo chante, ei leh bar tlachhamte leh himna zawnga raltlante an chhawm dawl hi lawmawm an ti a. Bansan mai lova kohhran hrang hrangte leh tualchhung kohhran te mahni remchan dan leh theih ang tawk tawka chhawmdawl hna thawk zel turin an ngen bawk a ni.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: