• Manipur chu a ranglama President's Rule-a dah turin Central Sawrkar an phut.
• A rang lama hma la turin Mizorama Meiteite hriattir
Aizawl | July 4, 2023: JOINT HNAMPUAL STUDENTS' ORGANISATION (Lai Students' Association, Hmar Students' Assocaition, Mara Students' Organisation, Ranglong Students' Union, Siamsinpawlpi, Pang Zirlai Pawl, Mizoram Bawm Students' Association) chuan vawiin khan thuchhuah siamin, Manipur buaina chungchanga kan unau Zofate tawrhna zozai hi Joint Hnampual Zirlai Pawl chuan pawi a ti takzet a. "Kan unaute nunna tam tak lak a ni leh, khua te in hal sak a, Khawvel lndopui lai pawha thleng ngai lo, naupang leh hmeichhe awmnem te hial zuah an ni ta lo hi kan rilru a na takzet a, Meitei ho chet dan hi kan dem hle a ni." an ti.
Hnam Pual zirlaite chuan, "Ni 02-07-23 a kan unaupa David Thiek a nung chunga man a nih hnu ah rawng taka a lu tan sakin, a lu chu ramsa ang maia nghaisa a an tar hnuah, a taksa zawng zawng an hal ral hi a rapthlakin a nunrawn thlak kan ti hle. Meitei ho chetdan hi an dem tak zet a. Zofate tawrhna zozaite hi enliam harsa an tih tawh thu tarlangin, Mizoram Sawrkar pawh he buaina ah hian thuk zawka a inrawlh tur leh chak leh zual a, a taka hma la tura ngenin an phut a ni.
Hnam Pual zirlaite hian buai intan atanga ni 60 hnuah pawh India Prime minister Prime Minister a la ngawi chu India ramah min ngai tawh lo em ni an ti a, Manipur chu President's rule a dah an phut bawk.
Heng bakah hian, Mizoram a Meitei awm ho chu a rang lama inremna leh muanna a awm theih nan thuchhuah nei ve turin leh hma la turin an hriattir bawk a ni.
JOINT HNAMPUAL STUDENTS' ORGANISATION
(Lai Students' Association, Hmar Students' Assocaition, Mara Students' Organisation, Ranglong Students' Union, Siamsinpawlpi, Pang Zirlai Pawl, Mizoram Bawm Students' Association)
Motto United we stand
ESTD: 1989
Date : 4th July, 2023
PRESS RELEASE
Manipur buaina chungchanga kan unau Zofate tawrhna zozai hi Joint Hnampual Zirlai Pawl chuan pawi a ti takzet a. Kan unaute nunna tam tak lak a ni leh, khua te in hal sak a, Khawvel lndopui lai pawha thleng ngai lo, naupang leh hmeichhe awmnem te hial zuah an ni ta lo hi kan rilru a na takzet a, Meitei ho chet dan hi kan dem hle a ni.
He buaina hi ruahman lawk (pre-planned) dik taka thil tih a ni tih hi kan pawm a, Zofate rawt chimit (ethnic cleansing) tumna dik tak ah kan ngai. Hei mai bakah Kristian te Biak In thianghlim tam tak min hal sak hi Kristian te nuaibo tumna propaganda-ah kan ngai.
Ni 02-07-23 a kan unaupa David Thiek a nung chunga man a nih hnu ah rawng taka a lu tan sakin, a lu chu ramsa ang maia nghaisa a an tar hnuah, a taksa zawng zawng an hal ral hi a rapthlakin a nunrawn thlak kan ti hle. Meitei ho chetdan hi kan dem takzet a ni. Kan unau Zofate tawrhna zozaite hi enliam harsa kan ti tawh hle a, Mizoram Sawrkar pawh kan unaute buaina ah hian thuk zawka a inrawlh turin leh chak leh zual a, a taka hma la turin kan ngenin kan phut tlat a ni.
Manipur, India ram chhunga mi ngei a kan mup mup lai leh nunna tam tak lak a nih hnu, he buaina hian ni 60 lai a ral tawh hnu pawh a India Prime Minister Narendra Modi a ngawi reng hi hriatthiam har kan ti hle. Northeast India hi India rambungah min ngai ta lo em ni tih hi kan zawhna a ni. Manipur buaina chungchangah hian Manipur Sawrkarin Law and Order a kenkawh kawngah a hlawhchham let der tih chiang takin a lang tawh a. India danpui hnuaiah pawh Minority te kan him tawh lo ah kan ngai a, a ranglama President's Rule-a dah turin Central Sawrkar kan phut tlat a ni.
Meitei, Mizorama awm ten vawiin ni thlenga harsatna engmah tawk lovin thlamuang taka awmin, zalen taka an awm lai a, kan unaute ni tina a an thi zawih zawih reng mai hi hriatthiam har kan ti tawh hle a. Mizoram a Meitei awm ho in a rang lama inremna leh muanna a awm theih nan thuchhuah nei ve turin leh hma la turin kan hriattir bawk a ni.
Joint Hnampual Zirlai Pawl chuan kan unau Manipur-a zofate tawrhna leh dmhmun a enzui reng dawn a, a tul dan a zirin hma a la dawn a ni.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: