Aizawl | July 22, 2023: Hmar Students’ Association (HSA), Joint Headquarters Sinlung Hills chuan vawiin khan thuchhuah siamin, Meiteite an rama haw turin an hriattir. HSA chuan, "Meitei ho tan Sakeibaknei rilṭam aiin Mizo tlangvalte hi kan hlauhawm tawh zawk ," an ti bawk.
"Manipur State a buaina nasa tak thleng mek a Mizo tlangval David Thiek leh Mizo hmeichhe pahnih te laka Meitei nunrawng ho chet dan chuan Mizo tlangvalte thinlung a dêng na hle a, thinrimna meipui a alh nasa hle !." HSA JHQ Sinlung Hills chuan an ti a.
Sinlung Hills Council (SHC) Area chhung leh Mizoram chhunga Meitei awm zawng zawngte, he ramah hian an him tawhlo a ni tih hria a, an chenna rama haw nghal vek turin, Hmar Students’ Association, Sinlung Hills Joint Headquarters chuan hriattirna hmanhmawh an siam.
HSA JHQ Sinlung Hills chuan, "Meitei ho tan Sakeibaknei rilṭam aiin Mizo tlangvalte hi kan hlauhawm tawh zawk a ni tih hrethiam a min lo kiansan nghal turin kan hriattir bawk e." an ti a.
"He thu pawisa lova la awm lui an awm a nih chuan, Sinlung Hills Mizo pasalṭhate’n mawhphurhna kan nei lovang." an ti bawk.
HSA JHQ Sinlung Hills chuan, "Hei hi hriattirna tâwp a ni." tiin thuchhuah hi an khar an ni.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: