Aizawl | July 22, 2023: Central YMA chuan NGO Coordination Committee-in Thawhlehni-a a buatsaih tur chungchangah Mizoram-a Meitei awmte thla bar lo tur leh thlamuang taka awm turin an ngen. Hetihlai hian, MSU chuan July 24, 2023 a zirna in leh sumdawngtea Meitei census neih an tum chu an thulh.
CYMA chuan Manipur tualchhung buaina vanga Zo-hnahthlak ten harsatna an tawh mek tuarpuina lantir nan leh an thlavang hauhna hun, NGO Coordination Committee-in 25.07.2023-a a buatsaih tur avangin Mizorama Meitei awmte thla bar lo tur hian an ngen.
CYMA chuan Manipur sawrkar pawh Imphal leh a chhehvela Mizo unau khawsa leh zirlaite, an himna tur ngaihtuaha theihtawpa hmala turin a ngen bawk.
Hetihlai hian, Mizo Students' Union (MSU) General Headquarters, Aizawl chuan July 24, 2023 a zirna in leh sumdawngtea Meitei census neih an tum chu an thulh.
An thulh chhan chu Mizoramah Meitei engzat nge cheng tih an hriat tum ber Mizoram Sorkarin a hrilh theih dawn vang niin tarlan a ni.
"Kan duh ber leh hriat duh ber kha, kal hah ngai lovin Sawrkarin data min lo pe a, kan kal kher a ngai love kan ti." tiin MSU lam hotute chuan EXPLOREMIZORAM.COM an hrilh.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: