Aizawl | June 18, 2023: CM Zoramthanga chu Manipur CM Biren Singh in vawiin chhun khan rawn biain, Manipur buaina chungchangah boruak ṭha an neih thuai theih nan leh remna a awm theih nan theihtawp chhuahpui turin a rawn sawm a. Mizorama Meitei awm mekte him taka an awm theihna tura theihtawp chhuahpui turin a rawn ngen nghal bawk.
Cm Zoramthanga chuan he thu hi Instagram-ah post-in hetiang hian a dah:
"Manipur Chief Minister Pu @n_biren_singh chuan vawiin dar 12:30 khan telephone hmanga min rawn biain Manipur buaina chungchangah boruak ṭha an neih thuai theih nan leh remna a awm theih nan theihtawp chhuahpui turin min rawn sawm a. Tin, Mizorama Meitei awm mekte him taka an awm theihna tura theihtawp chhuahpui turin min rawn ngen nghal bawk.
Mizoram Sorkar chuan Manipura buaina thleng mek chu pawi a tiin, buaina a reh theihna tur pawhin theihtawp a chhuah reng a. Manipur Sorkar leh Central Sorkar hmalaknate thlir reng chungin, buaina a reh theihna tur leh remna a awm theihna tura hmalakna awmte chu kan thlawp reng thu ka lo hrilh a.
Tin, Mizoram chu a ralmuang a, Sorkar leh NGO te pawhin Manipurah remna leh muanna a awm theih nan leh Mizorama awm Meitei te him nan theihtawp an chhuah mek reng a. Chuvangin Mizoram chhunga awm Meiteite tan Mizoramah hlauhthawn tur engmah a awm lo a. Him taka an awm theihna tura hmalak mekna pawh chhunzawm zel a ni ang tih thu ka lo hrilh bawk a ni."
Hetihlai hian, All Assam Manipuri Youths' Association (AAMYA) chuan Mizoram sawrkar leh MNF chu kawng dan-ah an vau. All Assam Manipuri Youths' Association (AAMYA) chuan Mizoram leh Assam inkalpawhna kawng NH 54 chu June 23 atanga dan an tum!
MNF in Manipur zofate a thlawpna June 22 thlenga sut thu mipui hriata a puan loh chuan June 23 atangin kawng dan an tum thu vawiin khan AAMYA chuan thuchhuah siamin an tarlang.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: