Aizawl | June 19, 2023: Silchar-a hmunpui nei All Assam Manipuri Youth Association (AAMYA)-ten Mizoram an vau hnuah Silchar Mizoram House-ah venhimna khauh leh zuala kalpui a ni.
Silchar Mizoram House Deputy Resident Commissioner (DRC) S Kaptluanga chuan nimin piah (17.6.2023) khan thupek chhuahin Silchar Mizoram House chhunga lut turte reng reng chuan duty-te hnenah tunge an ni tih finfiahna chiang takin an entir tur a nih thu a tarlang.
Silchar Mizoram House DRC thupeka tarlan a nih danin, duty officer leh Assistant Resident Commissioner lungawina tura mahni nihna tihchianna neite chauh Silchar Mizoram House chhungah luh phal a ni dawn. He thupek hi thu leh awm hma atan chuan kalpui tur a ni bawk.
Silchar Mizoram House-a venhimna khauh zawka kalpui a nih chhan hi ni 14.6.2023 a AAMYA-te'n thuchhuah an siam bakah press conference neia Mizoram leh rorellai party MNF an vau vang nia thudawn a ni.
MNF-in Manipur tlangrama chengteʼn a hranga inrelbawlna hrang an phut an thlawp avangin Mizoram tana pawikhawih an tum thu AAMYA hian an sawi a, ni 14.6.2023 atanga chhiar a ni 3 chhungin MNF-te hi an thu hi an sut leh turin an phut a, sut loh chuan Mizoram tan a pawi hle dawn niin an sawi.
DRC Silchar Mizoram House tual vel chu tuilianin a chim nasat avangin nimin atang vek khan mikhual thlen theih a nih loh thu thuchhuah a siam tel.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: