Aizawl | June 18, 2023: Mizo Film thar 'DAMPUI FOREST' chu shooting zawh a ni tawh a, Editing khawih mek niin, July 28 hian tlangzarh tum a ni.
Tunah hian editing an khawih mek a, film hmuhnawm, en nawn hlawh leh en manhla tak a ni ngei beisei a ni.
Dampui Forest hi Film danglam tak niin, Mizo film a kan hmuh zen zen loh Adventure horror lam hawi tur a ni a. Sports Department in Adventure Sport tih theihna hmun tur leh nature tourism tih hmasawnna lam hawi hmun (place) zawng tura adventure team a tirhna film a ni.
He filmah hian Mizo Adventure lam tuimite'n an thil tihnaa an thil tawn hlauhawm leh hmuhnawm tak tak kan hmu dawn a. Mizoram hmun mawi leh rohlu a rawn pholang bawk tura ngaih a ni.
He film hi Ngentiang khua-ah chan niin, Ngentiang khuaa kham hmingthang leh puk-ah te an lut niin thu dawn a ni.
He film ah hian Mizo tlangval chhuanawm leh huaisen Adventure leh Bushcraft lam min hmuh tir ṭhin tu, Zira PC Comedian ṭha chungchuang Parody music video nalh tak tak leh en hlawh tak siam thin Elza TV, Comedian Search Finalist Pachuau Lalenkawla, ZONET buatsaih Mizo Girls Group intihsiaka Finalist Lalnunhlui, hmeichhe Solo camper, Love of adventure youtube channel neitu Apuii Bualte, Kenny Lianhna te kan hmu dawn a, Main role play tu ber hi Emily Fanai a ni.
He filmah hian Ṭhatea Ralte Videography chu Director of Photography a ni dawn a, kum 2017 film chhuak 'Detective Mart' Director Lalruatfela'n a direct dawn a ni.
Ruahman dan chuan June 20 hian trailer ti chhuakin, July 28 ah Film release tum a ni.
He film hi Runmawi Apps ah en theihin a awm ang.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: