Aizawl, 16th May 2023: Vawiin chawhnu khan Communications, Railways leh Electronics & IT changtu Union Minister Pu Ashwini Vaishnaw chuan Rail Bhawan, Conference Hall, New Delhi ah ‘Sanchar Saathi portal’ a hawng.
Sanchar Saathi portal www.sancharsaathi.gov.in hi mipuite mamawhna phuhruk turin sawrkar laipuia Department of Telecommunications-te siam a ni a, mobile hmangtu ten himna (security) tha zawk an neih theihna tura ruahman a ni. Sanchar Saathi portal kaltlang hian mobile hmangtu ten anmahni hming a mobile connection register a ni em tih an hriat theih bakah, an mobile an tihbo palhin block emaw chhui zui leh zawn chhuahna kawngah te leh kawng tamtak ah mobile hmangtute a pui thei dawn a ni.
Sanchar Saathi portal-ah hian module hrang hrang CEIR, TAFCOP leh a dangte a awm a. CEIR module hi mobile device/phone ruk leh tihbo te chhui zui theihna a ni a, he module hmang vek hian mobile device/phone ruk leh tihbo te chu India ram chhunga telecom operator zawng zawngte service hman theih loh turin a block theih bawk a ni. TAFCOP (Telecom Analytics for Fraud Management and Consumer Protection) module hmang hian mobile subscriber ten an number hman lai mek mobile connection chu an mahni hmingin a awm ngei em tih an en thei a, hei bakah hian an mobile connection mamawh tawh loh te an titawp (disconnect) thei dawn a ni.
Sanchar Saathi portal hawnna inkhawmah hian Mizoram atangin Pu Veenu Bansal, IGP (Intelligence), Shri Bhisham Singh, SP (CID & Crime) leh Pu Lokeshwaran .R, SP (Cybercrime), Pu C. Lalhmachhuana, Director, NELSA, Pu Vanlalringa, Sr Informatics Officer leh Pu Rony Lallianmawia, Informatics Officer, ICT Department te an tel a ni.
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: