Aizawl | May 16, 2023: 6th MMA India Senior National Mixed Martial Arts Championship Lucknow-a May 18-21, 2023 chhunga khelh turah Mizoram State MMA Association (MISMA)-in Mizoram aiawha khel tur mi 8 a tirhchhuahte chuan vawiin khan Lengpui Airport atangin Mizoram an chhuahsan.
Mizoramah hian MISMA hnuaia club pahnih - SPES gym/ Dawrpui Contact Sports leh HBK Gym-ah ngawr takin training hi neih a ni a, phai aṭangin international fighter hmeichhe pahnih –Vridhi Kumari, Tamil Nadu leh Khushboo Nishad, Uttar Pradesh te chu SPES gym-ah hian national training camp hi zawm turin an lo zin a, thla hnih dawn Mizoramah an rawn training ve nghe nghe.
MISMA Technical Chairman Samuel Lalrozama, Dawrpui chuan amateur event hi a tam thei ang ber an khelh a pawimawh thu a sawi a, hei hi professional fighter, hlawh tam tak neia an tui zawnga an zuan luh theihna kawng, mahni kea an din theihna kawng a nih thu a sawi bawk.
MMA hi khawevela infimna rorum ber ni chho mek leh mite hmuhnawm tih ber te zing ami a ni a, MMA India hi khawvela amateur MMA federation lian ber Internatoinal MMA Federation nen inthlunzawm a ni a, international medalist an nih chuan professional company lian – EFC, Invicta FC, PFL, ONE, BRAVE, UFC leh a dangte hian contract ziahpui turin an rawn sawm reng a, Mizo ṭhalaite tan chance ṭha tak a awm a ni, a ti. Tin, tun ṭum chu beiseina sang tak an nei a, nakkum lamah professional MMA promotional company liana contract sign thei pahnih/thum tal an awm a beisei thu a sawi bawk.
MISMA President Jeremy Pautu chuan, Mizoram team hi Chief Minister zahawm tak Pu Zoramthanga’n duhsakna sang ber a hlan bakah fighter 7 te chu sorkar-in sponsor thei tura hma a laksak avangin lawm thu a sawi a. Hemi kawngah hian Sports Minister zahawm tak Pu Robert Romawia chuan a rang thei ang bera hma a lo lakpui avang leh fitness test te an tihsak avangin a chungah leh a Department chelha thawk zawng zawngte chungah Mizo ṭhalaite an ngaihsak avangin lawmthu a sawi bawk.
Senior category (kum 18 chunglam)-a khel turte
1. Nazareth Lalṭhazuala, Zemabawk Kananthar veng
2. Zarmawia, Chite Veng
3. Lalnunmawia, Aizawl Tlangnuam venghthar
4. David Lalmalsawma, Kulikawn
5. Jonathan Lalduatliana, Falkland
6. Lalmuanpuia, Sihphir
Under 21 years category (Kum 18-21 inkar)-a khel turte
1. Israel lalrinawma, Hunthar veng
2. Malsawmthanga, Thuampui
Mizoram team zingah hian Lalmuanpuia, Sihphir hi a tirah entry a lo tel ve lo va, amaherawhchu, Chief Minister zahawm tak hian a bial mi a nih angin mi dang ang bawkin sponsorship a pe ve nghal niin MISMA lam chuan an tarlang.
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: