Aizawl | May 4, 2023: Sittwe lawng chawlhhmun kaltlanga insumdawn tawnna tur Kaladan Multi-Modal Transit Transport Project (KMMTTP) enchhinnan bungrua phur chhin a ni dawn.
Kaladan Multi-Modal Transit Transport Project (KMMTTP) hnuaia insumdawn tawnna tur kawng siam thar enchhinna atan hian Kolkata lawng chawlhna atangin Sittwe, Myanmar ah cement ton 300 phurh ani dawn a. Minister of State for Ports, Shipping and Waterways Shantanu Thakur chuan he Kolkata a Shyama Prasad Mukherjee Port (SMP) atangin a vai liam dawn a, he an thil phurh hi RAMCO Cements Limited siam niin Sittwe lawng chawlhna ah hian May ni 9 ah thleng tura beisei a ni.
Sittwe Port, Myanmar atang hian Lawng hmangin Paletwa thleng kalpui a ni dawn a, hemi hnuah hian lirthei hmangin Zorinpui ah luhpui tur niin Aizawl pan pui a ni dawn a ni.
Ministry of Ports, Shipping and Waterways te sawi danin he hmalakna hian India hmarchhak bial inkalpawhna mai bakah India leh Myanmar insumdawn tawnna a ti changtlung dawn a. KMMTTP hi India leh Myanmar tangkawpin hun rei tak atan ram 2 te insumdawn tawnna tur atana anlo buaipui tawh a ni a, India ramchhung hmun lai li atanga hmarchhak bial leh thenawm ram te awlsam zawka tlawh pawh leh insumdawn tawnna awlsam zawk a awm theih nana buatsaih a ni.
- DD News Mizoram
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: