Aizawl May 4, 2023: Pu Zoramthanga hian Union Home Minister Amit Shah hi tukin khan bia in pawisawilo leh nunau ten harsatna an tawk chu pawi a tih thu a sawi a, Union Home Minister chuan remna leh muanna a awm theihnan Central Armed Police Force dah belh a tum thu alo hrilh a ni.
Manipur Chief Minister N. Biren Singh chu Pu Zoramthanga hian tukin vek khan bia in Manipur dinhmun leh an buaina chungchang bakah chinfel a nih theih dan turte an sawi dun a, pawisawilo leh nunau te him taka an awm theihna turin Joint Press Statement siam an tum bawk. Manipur Chief Minister hnenah hian buaina chingfel tura ngenna lehkha Pu Zoramthanga hian alo thawn thawh bawk a ni.
Chief Minister Pu Zoramthanga hian Mizoram Sawrkarin he buaina hi a enliam mai mai dawn lo tih a sawi a. Home Minister leh Home Commissioner kaihhruaina hnuaiah eng dinhmun pawh thleng se, Mizote himna tura hma an lak dawn thute a sawi bawk.
Manipur-a buaina thleng chungchangah tukin khan Central YMA hruaituten Chief Minister hi a pisa ah an hmu a, Zofate leh India Hmarchhak mipuite tan Remna leh Muanna a awm theih nan theihtawp chhuah zel an tum thu an sawi a ni.
- DD News Mizoram
CM Zoramthanga chuan, Instagram-ah hemi chungchang hi post a siam;
Manipur-a buaina thleng chungchangah tukin zing khan Central Young Mizo Association hruaituten min rawn hmu a. Zofate leh India Hmarchhak mipuite tan Remnna leh Muanna a awm theih nan theihtawp chhuah zel kan tum.
Union Home Minister Pu @amitshahofficial nen rei tak kan inbia a, pawisawilo leh nunau tam tak ten harsatna an tawk hi pawi kan ti tak zet a; theihtawpa remna leh muanna a awm theihna turin Central Armed Police Forces-te pawh dah belh a tum thu min rawn hrilh.
Tukin zing vek hian Manipur Chief Minister Pu @n_biren_singh a nen pawh telephone-in rei tak kan inbia a. Manipur dinhmun leh an buaina chungchang chinfel a nih theih dan tur chungchang te kan sawidun a ni. Tin, Manipur CM pawhin hmarchhak CM te zinga Upa ber chan chang ka nih ve avangin REMNA a awm theihna tura hma la tur pawhin min beisei hle bawk.
Pu Biren-a nena kan inbiakna hian rah ṭha a chhuah ngei ka beisei a. Pawisawilo leh nunau te him taka an awm theihna turin Joint Press Statement siam kan tum a ni.
Mizoram Sawrkar pawhin he buaina hi a enliam mai mai dawn lo a. Home Minister leh Home Commissioner kaihhruaina hnuaiah eng dinhmun pawh thleng se, kan mi leh sate himna tura hma kan lak dan turte lo inenlawkna meeting nei turin ka hriattir tawh bawk a ni.
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: