Aizawl | May 4, 2023: Manipur buaina kal mekah MZP puhna ang thu a leng meka, Mizo Zirlai Pawl (MZP) General Headquarters, Aizawl chuan vawiin khan thuchhuah siamin, "Manipur buaina MZP chawh chhuah a ni lo, CM in Mizo zirlaite leh Zofate a buaipui zel." an ti.
Manipur state-a chi leh chi kara buaina chhuaka Zo hnahthlakte dinhmun chu MZP-in a thlir a, a theih ang angin an tan hma a lak mek zel thu MZP chuan thuchhuah siamin an tarlang.
Hemi chungchangah hian May ni 4 tlai dar 3:30 khan MZP hruaitute leh Adviser te'n Chief Minister Pu Zoramthanga chu a office-ah kan hmu a, Imphal-a Mizo zirlaite chu an sahimna atan lak chhuah ni se tiin an ngen a. Chief Minister Pu Zoramthanga chuan, Imphal-a Mizo zirlaite chu thlawhtheihna hmanga thiar chhuah a ṭul a nih chuan Mizoram sorkar a inhuam thu leh hmalak nghal a nih thu a sawi a ni.
Imphal-a Zofate chu chhuah an phalsak an ni lo a, hei hi MZP chuan hriatthiam har a ti hle. Mizoram Chief Minister Pu Zoramthanga leh Pu K. Vanlalvena MP (RS) ten chak taka, India sorkar leh Manipur sorkara thuneitute rang taka bia a, kil hrang hrang aṭanga hma an lak nghal avangin MZP chuan lawmawm a ti hle.
Manipur-a buaina chhuak chungchangah mi ṭhenkhatin MZP-in Zofate thlavang hauhna thu a chhuah avanga buaina hi chhuak angin thu an thehdarh a, hei hi Zofate tihphel tumna leh thiam loh chantir tumnaah MZP chuan a ngai a ni. MZP-in thuchhuah a siam avanga buai an ni lo a, an buai avangin MZP chuan thuchhuah a siam zawk a ni.
He thil thlen chhan hi, Manipur sorkarin, Manipur-a kan unauten kum za tam tak an lo luah tawh ram, Reserved Forest Area-ah puang a, nasa takin a nawr chep mek vang a ni a. Hetiang hi kan unau ten duh loin hma an la ta a ni. Kan unaute nawr chepa an awm laiin MZP chuan an thlavang a hauh a, hetiang hi thil awm dan dik tak a nih zâwk avangin, kan thuchhuah leh kan hmalakna avang hian, Manipurah buaina a chhuah phah lo a, Zofate nekchepa an awm avanga an dikna chanvo chang tura hma an laknaah MZP chuan a thlawp thu a sawi zawk a ni.
Tunhma aṭangin, khawvel hmun hrang hranga Zofate ten harsatna an tawh chuan, MZP chuan an thlavang hauhna a lo nei tawh ṭhin a, an thlavang hauhna pawh kan nei zel bawk ang. Hetiang buaina a chhuah châng hian, Mizoram chhunga hnam dang cheng ten harsatna an tawh palh theih thil thuah, MZP chuan mawh a phurh loh tur thu a lo sawi tawh ṭhin bawk.
MZP PRESS RELEASE
Manipur buaina MZP chawh chhuah a ni lo, CM in Mizo zirlaite leh Zofate a buaipui zel.
Manipur state-a chi leh chi kara buaina chhuaka Zo hnahthlakte dinhmun chu MZP-in a thlir a, a theih ang angin an tan hma a la mek zel.
Hemi chungchangah hian May ni 4 tlai dar 3:30 khan MZP hruaitute leh Adviser te'n Chief Minister Pu Zoramthanga chu a office-ah kan hmu a, Imphal-a Mizo zirlaite chu an sahimna atan lak chhuah ni se tiin an ngen a. Chief Minister Pu Zoramthanga chuan, Imphal-a Mizo zirlaite chu thlawhtheihna hmanga thiar chhuah a ṭul a nih chuan Mizoram sorkar a inhuam thu leh hmalak nghal a nih thu a sawi a ni.
Imphal-a Zofate chu chhuah an phalsak an ni lo a, hei hi MZP chuan hriatthiam har a ti hle. Mizoram Chief Minister Pu Zoramthanga leh Pu K. Vanlalvena MP (RS) ten chak taka, India sorkar leh Manipur sorkara thuneitute rang taka bia a, kil hrang hrang aṭanga hma an lak nghal avangin MZP chuan lawmawm a ti hle.
Manipur-a buaina chhuak chungchangah mi ṭhenkhatin MZP-in Zofate thlavang hauhna thu a chhuah avanga buaina hi chhuak angin thu an thehdarh a, hei hi Zofate tihphel tumna leh thiam loh chantir tumnaah MZP chuan a ngai a ni. MZP-in thuchhuah a siam avanga buai an ni lo a, an buai avangin MZP chuan thuchhuah a siam zawk a ni.
He thil thlen chhan hi, Manipur sorkarin, Manipur-a kan unauten kum za tam tak an lo luah tawh ram, Reserved Forest Area-ah puang a, nasa takin a nawr chep mek vang a ni a. Hetiang hi kan unau ten duh loin hma an la ta a ni. Kan unaute nawr chepa an awm laiin MZP chuan an thlavang a hauh a, hetiang hi thil awm dan dik tak a nih zâwk avangin, kan thuchhuah leh kan hmalakna avang hian, Manipurah buaina a chhuah phah lo a, Zofate nekchepa an awm avanga an dikna chanvo chang tura hma an laknaah MZP chuan a thlawp thu a sawi zawk a ni.
Tunhma aṭangin, khawvel hmun hrang hranga Zofate ten harsatna an tawh chuan, MZP chuan an thlavang hauhna a lo nei tawh ṭhin a, an thlavang hauhna pawh kan nei zel bawk ang. Hetiang buaina a chhuah châng hian, Mizoram chhunga hnam dang cheng ten harsatna an tawh palh theih thil thuah, MZP chuan mawh a phurh loh tur thu a lo sawi tawh ṭhin bawk.
Issued by ; MZP General Headquarters, Aizawl
No. E-93/MZP-GHQ/2021-2023/108 Dated, Aizawl, the 4th May, 2023
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
.
Post a Comment
He post chungchanga i ngaihdan lo sawi ve rawh: