Aizawl | May 3, 2023: Vawiin May ni 3, 2023, chawhma dar 11:00 khan Secretariat Conference Hall, MINECO-ah Chief Secretary, Pi Dr.Renu Sharma, IAS, kaihhruaina hnuaiah National Health Mission, Mizoram hnuaia State Level Convergence Meeting on School Health & Wellness Programme(SHWP), Rashtriya Kishor Swasthya Karyakram (RKSK), Rashtriya Bal Swasthya Karyakram (RBSK) leh Anemia Mukt Bharat (AMB) neih a ni.
He meeting-ah hian Health and Family Welfare Department,School Education Department, SCERT, MBSE, SAMAGRA Shiksha, Women & Child Development, Social Welfare & Tribal Affairs Department, Rural Development Department, Mizoram State AIDS Control Society, Local Administrative Department, PHE Department, Sports & Youth Services Department, UD&PA, ZMC leh Civil Hospital atang Secretary, Director leh Department hotute bakah Mr. Sourav Neogi, JHPIEGO (japaigo ti a lam tur), North East India bialtu Guwahati atang a lo tel bawk a ni.
Meeting Chairperson, Dr.Renu Sharma in a sawm angin, Stakeholder Department atanga an hmalakna theuhte ngaihthlak niin, naupang leh tleirawlte hamthatna atan a sorkar hmalakna ah thawh ho theihna kawng ngaihtuah ho niin, harsatna awmthei ang angte sutkian a, chak zawk leh hlawhtling zawk a hmalak ho a nih theihna tur atan a ruahhmanna siam ho a ni.
He Meeting hian Ministry of Health and Family Welfare leh Ministry of Human Resource Development tangkawp a hmalakna thar Ayushman Bharat - School Health and Wellness Programme hmalakna a Mizorama district 5 – Champhai, Lawngtlai, Lunglei, Mamit leh Siaha a kalpui mekah Stakeholder Department tin te chu Health and Wellness Ambassadors ten School Health and Wellness Programme hnuaia modules 11 (sawmpakhat) hmanga naupang ten hriselna kawng a hma an sawn theihnan zirtirna an lo pek thin chu chak tak leh hlawhtling taka an kalpui theihnan a enpui a, thawhho pui turin a sawm.
Mizorama Naupang hriselna chawikang tur a programme kalpui mek Rastriya Bal Swasthya Karyakram (RBSK) hmalakna a naupangte natna hmuhchhuah leh enkawl chungchangah, naupangin zai leh in enkawlna mamawh ten in enkawlna an dawn thuai theih nan, School Zirtirtute leh Anganwadi Workers ten an naupang theuhte an referral lo bawhzui pui a, hma lo lakpui a lo ngaihven turin Meeting chuan Stakeholder Department tin te a sawm bawk a ni.
He joint meeting ah hian Pi Esther Lal Ruatkimi, Principal Secretary, Health & Family Welfare Department chuan National Health Mission hnuaia programme hrang hrang te hmalakna a tarlan bakah, Dr.EricZomawia, Mission Director, National Health Mission in presentation tawi pe in department hrang hrang representative te hnenah khawtlang hriselna chawikanna kawng a thawk ho vek kan nih thu leh pawimawhna kan neih theuh thu a sawi lang a, Dr.TC Hmingthangi, State Nodal Officer, RBSK, RKSK, AMB leh SHWP chuan committee member hma ah agenda a sawi hawng.
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: