Aizawl | May 3, 2023: Aizawl khawpui laili luahtu Assam Rifles hotuten MoU ziah fel anih hunah Zokhawsanga an insawn hun tur chu a chiang dawn tih an sawi.
Assam Rifles, Commandant Be Joy Raveendran, AR Lunglei kaihhruaiin nimin khan Assam Rifles Headquarter office, Khatlaah Media Conclave neih a ni a, he hunah hian thuthar thehdarhtute zawhna chhangin Assam Rifles hotute chuan Zokhawsanga Assam Rifles hmunah Aizawl khawpui chhunga Assam Rifles awm te chu an insawn ngei dawn tih an sawi a, insawn hun tur erawh ala sawi theihloh anti a, MoU ziah fel anih hunah Zokhawsanga Assam Rifles te insawn hun tur chu a chiang dawn tih an sawi.
He hunah hian Assam Rifles-a officer-te leh media mite an kalkhawm a, thupui pawimawh hrang hrang an sawiho a, Inkawmna ah hian financial year 2021-22 leh 2022-23 chhunga Assam Rifles hlawhtlinnate tarlan a ni. Assam Rifles hian Mizoram hmun hrang hrangah project 24 mipuite tana hamthatna tur atana duan an zo fel tawh anti a,
Financial year lo awm tur thlirin Assam Rifles chuan project lo awm tur atana ngaih pawimawh tur hmunte an tarlang a, chung zingah chuan channel hrang hrang hmanga thalai, hmeichhia leh naupangte tihchakna tur ruahmanna siam te, National Integration Tour te leh hmalakna dangte hmanga mipuite a tha lam kawnga kaihhruai te a ni.
Media Conclave ah hian thil pawimawh tak tak sawiho niin ruihhlo hmansualna tarlanna kawnga media-te chanvo te, hetiang thil thleng chungchanga tualchhung mite hriattirna te, dan loa pem lut chungchang pawh sawi a ni bawk.
- AIR Aizawl
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: