Aizawl | May 6, 2023: Manipur buaina kal zelah, Meitei leh Zofate inkara buaina sosang leh punlun zelah MZP chuan Mizoram chhunga Meitei awmte chu an sahimna tura pawn chhuak rih lo turin a hriattir.
MZP chuan he thu hi vawiin chawhnu khan chhuahin, MZP General Headquarters chuan an hnuaia Headquarters, Sub Headquarters leh Branch bakah hnam pual zirlai pawlte chu lo thlitlai turin an ngen a ni.
MZP chuan, an thuchhuah hmasa-ah, "He buaina avang hian, kan unau tam tak an thi a, hliam tuar eng emaw zat an awm a. Zohnahthlak chenna khaw 20 chuang chu Meitei ten an halsak a. Chenna tur nei loin an awm mek bawk a. Imphal-a Christian Biak In 41 pawh Meitei ten an hal a. Kan unaute hi ei leh in tur thlengin an mangang tan mek a ni. Hetianga harsatna rapthlak tak an tawh mek avang hian, MZP chuan kan unaute tana kan lo tih thin angin Mizo mipui hnenah khawngaihna dil leh ni se, a tul apianga an hman atan GPay number - +91 85755 18037 ah hian pawisa thawh turin Mizoram mipuite khawngaihna kan dil e." tiin Manipur zofate tan hian vehbur an khawn a ni.
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
.
Post a Comment
He post chungchanga i ngaihdan lo sawi ve rawh: