HSLC 2023 result chungchanga MBSE chairman Press Statement

- JH Zoremthanga Chairman, MBSE 

Kum 2023 HSLC result chu Pathian hruaina avang liau liau in kan tichhuak leh thei to a, a lawmawm takzet a ni. Mizoram sawrkar leh Education Minister-in zirna an ngaihpawimawh avangin state dangte leh keini aia Exam tan hmazawk CBSE leh ICSE (Indian Certificate of Secondary Education) te aiin result kan peih hma leh thei a, a lawmawm hle a ni.

HSLC exam tluang taka kan zo thei leh ruahman lawk anga result kan chhuah theihna chhan bulpuiber chu High School zirtirtute inpekna leh thahnemngaihna yang a ni a, Question set, Evaluation, Scrutiny, Tabulation-ah te an tihtur thataka an hlenchhuah yang a ni. Tin, Education Department pumpui kan tangrual em em a — Directorate lama thawkte, DEO, SDEO leh staff dangte, MIS STA, MISA leh zirtirtute kan thawhhona a that em vangin a hun takah result hi kan tichhuak thei a ni. MBSE staff zawng zawngte, a bik takin Exam Branch te thawhrimnaah lawmthu ka sawi bawk a ni. 

Centre Superintendent leh Invigilator-te, Police Department leh Health Department pawhin an mawhphurhna tha takin an hlen chhuak a, lawmthu kan sawi bawk a. Centre Superintendent leh Invigilator-ten discipline an lekkawhthat avang leh exam kaihhruainate an kenkawh that avangin naupang entawn hnawhchhuah ngai an awmlo hi a lawmawm hle bawk a ni. 

Kuminah hian compartment 63, an awm a, heng naupangte hian admission an tlai lohna turin compartment exam hi buatsaih thuai kan turn a, chuvangin HSLC result complaint hun ni 15 kan haven thin chu ni 7 chauh kan hawng leh dawn a ni. Kuminah hian nikum aiin pass percentage a sang zawk a. Nikumah 70.64% a ni a, kuminah 71.14 % a ni thong. Zawhnate hi LOTS atangin 60% siam a ni a, abak 40% hi Application leh HOTS atanga siam a ni bawk. Zima in hma a sawnzel theihnan HOTS question hi telh tam deuh deuh tura ruahman a ni. 

A tawp berah chuan HSLC pass zawng zawngte kan lawmpui em em duhsakna kan hlan a, a hlawhtling ye lote pawh beidawng mai lova exam leh huna pass ngei tawh tura thahnem ngai taka zir turin leh bei fan fan turin ka chah bawk a ni e.