ZPM-in 'Dikna Duh Punkhawm' buatsaih; RRR-a minister a nihna atanga bang turin an phut!

Aizawl | April 13, 2023: Vawiin khan ZPM General Headquarters huaihawtin Vanapa Hall tualah 'Dikna Duh Punkhawm' buatsaih a ni.

ZPM hian Minister Pu Robert Romawia Royte chu 'office of profit' bawhchhiaah an phu a, Minister a nihna atanga bang turin an phut a ni.

ZPM hian March thla tir khan Minister Robert Romawia Royte chu Representation of the People Act, 1951 (RP Act) Section 9 (A) a bawhchhia nia an hriat avangin Larsap hnenah bang tura ngenna lehkha an lo thehlut tawh a. Larsap hian Election Commission of India hnenah lehkha hi a thawn chhawng a. 

Lehkha kal zel hi ZPM chuan chak zawka hmalakna awm se an duh thu an sawi a. An hun hmanah hian mipui kalkhawm chu Minister Robert Romawia Royte bang tura phutin an au rual a, induhsakna uchuak taka hna inpek te chu dan bawhchhiatna a ni tih thuziak an keng bawk a ni.

Larsap hnena lehkha thehluha hming ziaktu, ZPM General Secretary Pu SL Ngursailova Sailo chuan ram hruaitute chuan dik takin rorel se an duh thu a sawi a, Mizoramah rolrelna tha a awm theih nan sokar chu an theih ang tawka khalh ngil an tum tih a sawi.

He thuah hian Minsiter Pu Robert Romawia Royte chuan dan a bawhchhiat loh thu leh engmah hlauhthawn tur a awm loh thu a lo sawi tawh a, MNF Thalai, MNYF chuan ZPM-in Minister Pu Robert Romawia Royte an beih dan chu an dem thu an lo sawi ve tawh bawk a ni.

Share it with your friends!

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(He website kal zel theih nan hian fakna lo langte hi i lo hmet ve thin dawn nia.)