Aizawl | April 13, 2023: Social Welfare & Tribal Affairs Minister Er. Lalrinawma chuan Tribal Art Centre, Tanhril ah Mizorama a vawikhatna atan mitdel hawrawp-a chhut, SCERT text books hlanna hun a hmang.
He hunah hian Er. Lalrinawma chuan Mizoram tan ni chhinchiah tlak tak kan hmang a ni a ti a. A vawikhatna atan Mizoram chhung ngeiah mitdel hawrawp (Braille) a chhut, zirlai bu buatsaih fel a ni thei hi rualbanlo te hmakhua ngaihtuah tu Department changtu ka nih ang pawh in ka lawm a ni, a ti. Hetiang hlawhtlinna nei tura Department lama thawktu leh hma lo la tawh thin tute chungah lawmthu a sawi a. He Scheme hnuaiah hian Ministry of Social Justice & Empowerment (Govt. Of India) chuan Braille Press dinna tur a rawn tum a, mahse, a thawktute rawih leh an lawmman tur, a hmunhma leh tul dangte chu state sawrkar kutah a dah a. Finance Department lamin a pawimawhna min hriatpui a, hetiang a hma lak chhoh theih a ni hi Chief Minister, Finance Minister ni bawk, Pu Zoramthanga chungah lawmthu ka sawi tak meuh bawk a ni a ti.
Minister chuan pianphunga harsatna neite tan pawh he khawvel hi chenna hmun nuam leh hlimawm tak a kan buatsaih sak hi a tul tak meuh a, heng tihlawhtling tur hian kan zavai hian mawhphurhna kan nei theuh a ni a ti a. Sorkar chuan heng Vohbikte hi a ngaipawimawh em em a antan Right of Person with Disabilities Act 2016 siamin he danin a phut thilte tih hlawhtlin anih theih nan “Scheme for Implementation of Person with Disabilities (SIPDA) chu MSJE hnuaiah kalpui mek a niin rualbanloten midangte ang bawk a hmasawnna an ban phak ve theihna turin ‘Accessible India Campaign’ a kalpui niin. Hemi hnuaiah hian sorkar building 27 zet ah a remchan dan angin Ramp leh Lift te, vawnban, inthiarna remchang zawk te Tactile Strips siam a ni. RPwD Rules 2017 tlawh chhan a Ministry of Urban Development in a lo chhuah “Harmonised Guidelines and Space Standard for Barrier Free Environment for Person with Disabilities and Elderly Person” hnuaiah hian kan Insak thu hla ah rualbanlote tan a lawi luh nuam a siam tur chuan Sorkar, Company, mimal ten mawh kan phur theuh a ni a ti.
Pi Zodingpuii, IAS Director SW&TA in he hun hi kaihruaiin kalkhawmte hmelhriattirna anei nghal a, sawmbik pawl leh mimal atang a thusawi hrang hrang ngaihthlak niin Pi Carolin Hmingthanzuali Officer I/c Disability SW&TA in an hma lak dan leh report a pe a, Pi C. Zodinpuii Joint Director, SW&TA in lawmthusawina neiin YMC, Local Council, MHIP Tanhril hruaitute pawh an tel tha hle a, Minister hi Udit Prakash Rai IAS, Commissioner & Secretary, Social Welfare & Tribal Affairs Department chuan a tawiawm bawk a ni.
- DIPR
Share it with your friends!
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: