Mizoram open ranking carrom championship 2023-24 tan; Zu leh Ruihhlo laka Mizote filhlim theihna tur pakhat chu infiamna hi a ni - Pu Lalduhoma

Aizawl | April 13, 2023: Serchhip bialtu MLA Pu Lalduhoma’n Zu leh Ruihhlo  laka Mizote filhlim theihna tur pakhat chu Infiamna  hi a ni, a ti.

Mizoram State Sports Council (MSSC) bul tuma Mizoram Carrom Association leh Serchhip District Carrom Association tangkawp  buatsaih ‘Mizoram Open Ranking Carrom Championship 2023-2024’, New Serchhip YMA Hall-a hawnna inkhawmah he thu hi sawiin Pu Lalduhoma chuan, ruihhloin nasa taka Mizote a run mek chu ralpui beiha beih ngai a, Mizoramah ruihhlo lut lo se Mizote dinhmun chu khîtah ni ang, a ti. 

Pu Duhoma chuan Mizo mipate ruihhloin nasa taka a tihbuai avangin naupangte tein nunna an chan a, hmeichhia leh mipa tam lam a inbuktawk tawh lo va, Mizo hmeichhia ten Mizo mipa pasal tur an hmu zo lo mai dawn, a ti a. Mizo khawtlang nuna zu rui khawi ngam  an ni lutuk chuan Mizote hmel a tibal a, Pathian ringtu hmel anga lan lohna chuan Missionary hna thawhnaah Mizote a tithuanawp a ni, a ti a. Carrom Game chu ngaihtuahna leh tum fel tak neia khelh chi anih thu leh he Championship pawh hi ruihhlo dona atana hmang theuh  turin  Mizoram  chhung District  hrang hrang leh Carrom Club hrang hrang atanga kal te a sawmin, duhsakna  a hlan a ni.

Aizawl khawpui pawna buatsaih a nih vawi khatna leh Serchhipin a tum khatna atana a thlen, ‘Mizoram Open Ranking Carrom Championship 2023-2024’ hi  nimin khan New Serchhip YMA Hall-ah khelh tan a ni a; Category 4-ah inelna neih a ni a, naktukah zawh fel a ni ang.

- AIR Aizawl

Share it with your friends!

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(He website kal zel theih nan hian fakna lo langte hi i lo hmet ve thin dawn nia.)