Lunglei | April 13, 2023: Vawiin khan J Buana College ah Prof J Zorema Proficiency Award hawnna inkhawm leh UNO Programme kal mek, Sustainable Development Goals programme, Planning and Implementation department in College te inelna a buatsaiha Govt J Buana College Lunglei in lawmman a dawn lawmna inkhawm buatsaih a ni a. Prof J Zorema Proficiency award atana inremna thuthlung ziakin, Award hi hawn nghal a ni.
Govt’ J Buana College Principal hlui Prog J Zorema chuan J Buana College zirlai, Final Semester pass chhuak zinga Top ten a lang phate dawn tur Prof J Zorema Proficiency Award hi a sen so tumin, College in zirlai Top ten a langte hnenah a hlan thin dawn a. Ruahmanna siam lawk ang chuan kum tin, Final Semester Exama Topper hnenah cheng 5000 leh Trophy hlanin, Topper ni lo a dang Top ten a langte hnenah cheng 2000 leh Certificate an hlan thin dawn a ni.
Award donate tu Prof J Zorema chuan Govt J Buana College chu a that lai hun zawng zawng, a theihna zawng zawng, a hriatna zawng zawng leh a finna zawng zawng a hman ralna college a nih avangin, a chhiat a thatah theihtawp la chhuah ve tula a hriat avangin hetiang hi a ti a ni tih a sawi a. Award chu Pass that kumah chuan sum dahin a daih loh theih a rin thu sawiin, chutiang hunah chuan a bul tum tu a nih angin a tul anga senso belh a inhuam tih a sawi.
Prof J Zorema chuan Zirlai naupangte chu Award dawngtu awm loh kum a awm lohna turin theihtawp chhuah turin a fuih a. A daih loh tum, thawh belh a ngaih tum a thleng a nih chuan a lawmawm lam a ni ang tiin, a hlauhawm ber chu a dawngtu tur an awm loh a hlauhawm a ni a ti bawk.
Prof J Zorema Proficiency Award hawnna inkhawm neih rual hian Planning and Implementation department buatsaiha Sustainable Development Goal Project intihsiakah JB College in lawmman a lak lawmna neih nghal a ni a. He intihsiaknaah hian JB College team te chuan an khaw enkawl bik, Adobted Village, Vanhne khuaa Solar Water Pump bun dan tur ruahmanna an siam te an chhawp chhuak a. Lawmman pangana an la a ni.
Covt J Buana College Principal Pu Lallianzuala pawhin thu sawiin, Local Immersion team ten College an tih hming that a vangin lawmthu a sawi a, Prof J Zorema Profeciency Award donate tu Prof J Zorema chungah pawh lawmthu sawiin, Zirlai a tiphurin, College tan hmingthatna nasa tak a thlen a beisei thu a sawi bawk.
Share it with your friends!
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: